ARGIA.eus

2022ko urtarrilaren 26a

Fiskaltza ere Maroto eta Alonsoren aurkako auzian, diru-kutxa publikoa kaltetu dutelakoan

  • “San Antonio” kasuan  pertsonatu egin da Espainiako Estatuaren Kontuen Auzitegiko Fiskaltza. Kontratu publiko baten bidez diru-kutxa publikoari kaltea eragin zaion ikertzen ari dira.

Igor Agirre @igoragirre
2015eko maiatzaren 21a
Maroto eta Alonso ikertzen ari dira. (Argazkia: Eldiario.es).

Merkatuko prezioaren gainetik Gasteizko Udalak 2007an Gonzalo Anton enpresariari alokatutako bi lokalengatik susmopean daude Espainiako osasun ministro eta Gasteizko alkate ohi Alfonso Alonso eta Javier Maroto egungo alkatea, besteak beste.

Fiskaltzaren erabakia baieztatu du Europa Pressek eta Gasteizko udaleko oposizioko taldeekin bat egin du, gai horren inguruan pertsonatzean eta kontabilitate epaiketa hasteko eskatuz.

Espainiako Estatuko Kontu Auzitegiak 440.000 euro inguru eskatzen dizkie Alonsori, Marotori eta Gasteizko Udalean zinegotzi izandako beste lau laguni, irregulartasunak eta atzerapen interesak kontuan hartuta.

Informazio gehiago:

- Marotok eta Alonsok diru publikoa enpresari baten mesedetan erabili al zuten?

Kanal hauetan artxibatua: Ustelkeria  |  PP  |  Gasteiz

Ustelkeria kanaletik interesatuko zaizu...
2022-01-18 | Leire Artola Arin
Alonsotegiko akusatuek akordioa lortu dute eta ez dira kartzelara joango ustelkeriagatik

EAJko alkate ohiak, udaleko arkitekto ohi batek eta Laneder Construccioneseko bi enpresarik onartu dute prebarikazioa, iruzurra eta dokumentuen faltsutzea egin izana. Fiskaltzarekin eta akusazioarekin hitzarmena egin dute: bi urteko kartzela zigorra, hamarreko inhabilitazioa eta... [+]


2021-11-14 | Ahoztar Zelaieta
Udal ustelkeriaren eta ate birakarien hamaikakoak

Javier Beobide alkatearen kudeaketaren aferaren ondorioz, Andoni Ortuzarrek Lemoako herritarrei barkamena eskatu behar izan zien 2013. urtean. Handik bi urtera ustelkeriaren aurrean tolerantziarik ez izateko agindu zien 2015eko hauteskundeetan alkate eta zinegotzi kargurako... [+]


2021-11-09 | ARGIA
Ate birakariak eragozteko lege proposamena aurkeztu du EH Bilduk

Bai EAEn “EAJk urtetan eraiki duen sare klientelarra”, bai arlo publikotik enpresa pribatuetako goi karguetara salto egitea galarazteko, 28 artikulu dituen eta Etika Batzordeari eragiten dion lege proposamena aurkeztu du EH Bilduk.


Montai eta Hondarribiko Udalaren arteko kontratuak aztertzen ari da Lehiaren Euskal Agintaritza

2018tik 2021era bitartean Aitor Elorza jeltzaleak zuzendutako enpresaren eta Hondarribiko EAJren udal gobernuaren arteko kontratuak ikertzen ari da agintaritza.


2021-09-27 | ARGIA
Fiskaltzak Donostiako Hondaleako obren salaketa artxibatu izana salatu du LABek

Salatu zituen irregulartasunen "ikerketa sakonik egin gabe" itxi du kasua Gipuzkoako Fiskaltzak, sindikatuaren ustez.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude