Euskal Herriko Emakumeon Mundu Martxak publiko egin du Emakumeen Mundu Martxaren XI. Nazioarteko Topaketan egingo den Feministon Herria eguneko egitaraua.
Bi urtean behin egiten dira Emakumeen Mundu Martxaren Nazioarteko Topaketak, eta aurtengoan Bilbon hartuko dute tokia han eta hemengo emakumeek*. ‘Batu indarrak, urrutira goaz! Gure gorputzen eta lurraldeen burujabetzara!’ lemapean, urriaren 22tik 28ra arte iraungo du topaketak.
Topaketetan munduko txoko ugaritatik etorritako emakumeek* parte-hartuko dute, eta 23tik 26ra nazioarteko delegaritzetako ordezkarien arteko bilera itxiak egingo dira. Halabaina, Euskal Herriko mugimendu feministarentzat aste osoko egitarau paraleloa osatu dute. Egitarau horretatik, bi ekimen azpimarratu dituzte antolatzaileek: bata, urriaren 22an nazioartetik etorriko diren emakumeei* Bizkaia Aretoan egingo zaien Harrera Ekitaldia, 18:00etan hasiko dena; eta bestea, urriaren 27an egingo den Feministon Herria.
Bilboko Areatza Feministon Herria bilakatuko dute urriaren 27ko egunez, eta egitarauak ostiral osoa hartuko du. 10:00etan egingo den gosariak emango dio hasiera egunari, eta hainbat ekintzak beteko dute eguna: Emakumeen Mundu Martxako kideekin solasaldia, “Feministon bakea eraikitzen” mahaingurua, performancea, bazkaria, manifestazioa eta kontzertuak osatzen dute egun horretako kartela.
Feministon Herriarekin, Euskal Herriko mugimendu feministak martxan dituen alternatibak bistarazi nahi dituzte. “Nolako herri feminista nahi dugun erakutsiko diogu munduari”, adierazi dute antolatzaileek.
Mugimendu Feministak biktimak izandako babesgabetasun egoera salatu du. Iruñean, Donostian eta Bilbon astearte arratsaldean deitu ditu mobilizazioak Emakumeen Mundu Martxak.
Feminist Asylum kanpaina abiatu dute Europa mailako hainbat mugimendu, talde, elkarte, alderdi eta sindikatuk. Euskal Herriko Emakumeon Mundu Martxak bat egin du kanpainarekin, eta herritarrei dei egin die berau babestera.
42 urteko gizon batek 37 urteko emakume bat hil du Gasteizen, eta bere buruaz beste egin ostean. Hilketa matxistaren aurrean mobilizazioak deitu dituzte Hego Euskal Herriko hiriburuetan. Honekin, bost dira aurten Euskal Herrian indarkeria matxistak hildako emakumeak.
Zubi guztien gainetik, mugarik ez! Transnazionalik ez! lelopean iazko urrian abiaturiko Emakumeen Mundu Martxaren Euskal Herriko V. ekintzari bukaera eman diote 400 bat lagunek martxoaren 6 honetan. Manifestazio koloretsu baten bidez Hendaia eta Irun lotuz eta muga... [+]
Dani Blanco ARGIAko argazkilariak argazkitan jaso du Emakumeen Mundu Martxako Nazioarteko V. ekintza.