Faxismoaren forma politiko berriak aztertuko dituzte Bergarako Kartzela Zaharreko jardunaldietan

  • "Faxismoaren gorpuzte berriaren aurrean gaudela" iritzita, irakurketa partekatua sustatu eta eztabaida piztea dute helburu Bergarako jardunaldiek.

Argazkia: Kartzela Zaharra.

2023ko otsailaren 10an - 11:40

Otsailetik apirilera, Bergarako Kartzela Zaharrak eta Angiolillo liburutegiak faxismoaren nondik norakoak aztertzeko jardunaldia antolatu dute. Ikuspuntu historikotik, faxismoa fenomeno sozial, ideologiko eta politiko bezala jorratu nahi dute.

Irakurketa partekatua egin eta eztabaida piztea dute xede. Faxismoarekin lotutako forma politiko berriak eta mezu ideologikoak zein diren aztertu nahi dituzte. Horretarako, gaztetxeak hainbat sektoretan antolatutako herritarrak (gazteak, feministak, langileak, ekologistak, adinekoak) irakurketa amankomuna egitera biltzeko deia egin du: "Faxismoaren aurrean herri harresi amankomuna osatzeko tenorean gaude, etorkizun hurbila erabat baldintza lezakeen fenomenoari elkarrekin aurre egiteko guneak behar behar ditugu".

Gaiak eta hizlariak

  • Ekofaxismoa. Carlos Taiboren liburuaren aurkezpena.
  • Gure heroiak. ARGIAko Axier Lopez kazetariaren liburuaren aurkezpena.
  • Faxismoa Euskal Herrian. Iragana, oraina. Hitzaldia testigantza zuzenekin osatua.
  • Gerra hau ez da Ukrainian amaitzen. Raul Sanchez Cedilloren liburuaren aurkezpena.
  • Faxismoa. Begirada historikoa. Clara Zetkinen liburuaren aurkezpena.


Kanal honetatik interesatuko zaizu: Antifaxismoa
Ehunka lagun elkartu dira Baionan eskuin muturraren kontra

Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.


“Larrialdi soziala, demokrazia lanjerrean” lelopean, eskuin muturrari aurre egitera deitu dute larunbaterako Baionan

Larunbaterako 11:00etan jarri dute hitzordua Baionako geltoki aitzinean sindikatuek. Deialdiari juntatu dira beste elkarte, kolektibo zein alderdi zenbait ere, tartean, Cimade edota Alda elkarteak.


Mila lagun elkartu dira Baionan, eskuin muturraren aurka

Frantziako Estatuan zein Ipar Euskal Herrian RN Batasun Nazionala eskuin muturreko alderdia lehen indar atera izanari erantzuteko manifestazioa egin dute Baionako karriketan gaindi, oihu eta txistu artean.


2024-02-09 | Gedar
Isuna jarri diote Barakaldoko lagun bati, faxista bati aurre egitea egotzita

Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.


Herriak faxismoa gelditu zuenekoaren lekuko den zubia Donostian

Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.


Eguneraketa berriak daude