Lehenengo fasean programa esperimentala izango da eta aurrekontua zehaztu gabe du oraindik: gehienez 50 gazte hartuko ditu eta gehienez 35i ostatu emateko aukera izango da. Mentorian oinarrituriko esku-hartze integrala planteatzen du ekimenak, enpleguan, prestakuntzan, etxebizitzan edota beste baliabide batzuk eskuratzen laguntzeko. Arlo psikologiko eta emozionalean ere lagunduko zaie gazteei. “Helburua komunitate-ingurunean bizimodu autonomoa erraztea eta gizarteratzea da”.

Egitasmoan sartzeko bidea Adingabeak Babesteko Sistemak eta oinarrizko gizarte zerbitzuak izango dira.