Ez da kasualitatea oinordetzak dakarrena
Handi, erraldoi eta arrotz bilaka daiteke eszenatokia bere buruaren konpainia baino ez duen aktorearentzat. Gorputz beretik diharduten hiru pertsonaien arteko bakarrizketa ardatz, belaunaldi arteko oinazeak eta oinordetzak jarri ditu jomugan Esti Curielek 35 huts antzezlan berrian. Azpeitiko 37. Antzerki Topaketetan estreinatu ondoren, abenduaren 20an egin zuen herrikideen aurrean saioa, Zumaian. Urtarrilaren 24an da ikusteko hurrengo aukera, Bermeoko Nestor Basterretxea aretoan, 20:00etan.
aurre egingo dieten hedabide independenteak
35 urte betetzear dagoen Axun da protagonista. Familiako maldizio bat oinordetzan jaso duelakoan, noraezean dabil aspaldian, etorkizunak zer ekarriko dion jakiteko beldurrak harrapatuta. Madarikazioetan sinetsi ez arren, amarengandik ustez jaso duen zoritxarrari ihesean bizi da, zer gerta ere erantzunen bat prest izateko asmoz. Amona du bidelagun, eta hari kontatzen dizkio barruko mamuek sorrarazten dizkioten ezinegonak. Amonak, ordea, beste interes batzuk ditu; bakarra, egia esatearren: irrati nobela mexikar bati adi ematen baititu egunak, kate motzean lotuta.
Ordubete inguru irauten duen obra freskoa da 35 huts. Itsasontzi forma duen bainuontzi bat, pasa den mendeko irrati eder bat eta rantxerak dira lehen begi kolpean publikoari deigarri egingo zaizkion elementuak, ez baita besterik ikusten oholtza gainean. Azpimarratzekoa da atrezzo eta aktore urriko antzezlana izanik ere, eszenatokiak transmititzen duen sentsazioa oso aberatsa eta oparoa dela: elementu bakoitzak zergatia du, eta Curielek primeran betetzen du espazioa, pertsonaia bakoitzari dagokion lekua emanez.
Umorea da ahalduntzeko bidea
Azaleko gaiak jorratzen dituen antzezlana dela pentsa daiteke lehen minutuetan, izaera axolagabea duen pertsonaia aurkezten zaio publikoari obra hasi bezain pronto. Aurrera egin ahala, ordea, ertz asko agertzen da, eta belaunaldi arteko genealogiak pisua irabazten du: arbasoengandik jasotzen dugunak emozionalki pertsonengan duen eragina edo ama izateko 35 urteren inguruan emakumeok sentitu behar dugun “sasi-desira”, besteak beste. Umorea da istorioaren eta amona eta bilobaren arteko harremanaren motorra, eta nabari da atzeko lan handia dagoela. Publikoaren algarak hasieratik amaiera arte entzun ziren.
Bere burua “ahalduntzeko asmoz” ekin zion proiektuari Esti Curielek. Aspaldian halako erronka bati heltzeko gogoz baitzegoen, zerotik antzezlan bat sortu, produzitu eta berau interpretatzekoa gogoak piztu zion ekiteko indarra. Miren Gojenola eta Aitziber Garmendia izan ditu bidelagun, zuzendari lanean bata, testua fintzeko ardurapean bestea. Halako hiru profesionalekin nekez atera zitekeen kalitate baxuko ezer, eta emaitzak ez dio kontrakorik, gustura ikusteko moduko ikuskizuna egin baitute, emozioak eta oinordetzak erdigunean jarriz.
Urriaren 4tik 19ra iraganen da Nafarroako arte eszeniko komunitarioen jaialdia Iruñean, nazioartekotza eta kritika soziala ardatz harturik.
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]