Eusko Jaurlaritza "Margüello kasutik" erretiratu da

  • 2006-2009 urteen bitartean Osakidetzako itxaron zerrendak kanpora ateratzean emandako ustezko irregulartasunengatik hasi zen “Margüello kasuaren” ikerketa 2009an, eta momentu hauetan Bizkaiko Auzitegi Probintzialaren sententziaren zain dago. Zuzenean kaltetua izan den Eusko Jaurlaritzak hasiera batean akusatuei egindako eskaera ekonomikoak erretiratu ditu argudiatuz ondarearen gaineko kalteak “ez direla frogatu epaiketan zehar”, pazienteak behar bezala artatuak izan zirelako eta zerbitzuan gainkosturik egon ez zelako. Fiskaltza bakarrik geratu da akusatuei egiten zaien 6,8 milioi euroko erreklamazioaren aurrean.


2018ko maiatzaren 02an - 15:37
“Margüello kasuko” lau inputatu nagusiak epaiketaren hasieran (Marisol RAMIREZ / ARGAZKI PRESS)

Gurutzetako ospitaleko Kalitateko zuzendari ohi José Carlos Margüello doktorea, Rafael Cerdán eta José Ramón Elorriaga EAJ-k izendaturiko Osakidetzako kargudunak biak (Gabriel Inclán-en sailburuordea izandakoa lehena eta garai hartako Bizkaiko lurralde arduraduna bigarrena) eta María Nieves Fernández izen-mailegatzailea dira “Margüello kasuko” inputatuak. Epaiketan 11 urte arteko kartzela zigorrei eta itxura batean irregularrak diren kontratuen dirua itzultzeko beharrari aurre egin behar izan diete “bidegabeko erabileradun delituen pilaketa mediala”, “administrazioaren aurkako iruzur ilegala” eta “funtzionario publikoei debekatuak zaizkien negoziaketa eta ekintzak burutzea” delituengatik, bere garaian kasuko fiskala zen Carmen Adán-ek zehaztutakoari jarraiki.

Fiskaltzak egiaztatutzat eman zuen Cerdán eta Elorriagak legeria nabarmenki saltatu zutela María Nieves Fernández izen-mailegatzailearen izenean zeuden eta Margüello zuzendaritzat zeukaten bi enpresa pribaturen mesedetan. Bi dira irregulartzat jotzen diren kontratuak, bata 2 milioi euro inguruko balioduna, eta bestea 4,8 milioi euroetaraino goraturikoa.

Fiskaltzaren arabera, Margüello Osakidetzako medikua zen aldi berean, Rehabilidom eta Gestión de Servicios Sanitarios XXI merkantilak eratu eta kudeatu zituen, zeintzuetan María Nieves Fernández ageri zen administratzaile gisa. Fiskaltzak esandakoaren arabera, Fernández hirugarren pertsonen eta administrazioaren aurrean sozietateon titular eta kudeatzaile gisa aurkeztu zen, ustez irregulartzat jo diren kontratuen esleipenerako beharrezko tramiteak burutuz. Honek egindako kudeaketen artean leudeke, fiskaltzak dioenaren arabera, 2006ko otsailean Bizkaiko Osasungintza Zuzendaritzari egindako eskaera bat, kontratista modura alta eman ziezaioten. Teknikoek onespena ukatu bazuten ere, Elorriagak esku-hartu zuen Margüello-ren sinadurak Osakidetzarekin kontratatu ahal izateko. Fiskaltzak defendatzen duenez, Elorriagak esku-hartzea txosten tekniko eta prozedura zein kontrol legal guztiei ezikusia eginez eraman zuen aurrera, Osakidetzako sistema informatikoan formalki erregistratu barik.

2006ko ekainean Gestión de Recursos Sanitarios XXI-ek kontrataziorako eskumena lortu bazuen, astebete beranduago Rafael Cerdán-ek emandako ebazpen batekin konpainiak itxaron zerrendak kudeatzeko beste kontratu bat ere eskuratu zuen. Horretarako, kontratazio publikoaren printzipioen kontra, Osakidetzak “emergentziazko prozedura” erabili zuen, nahiz eta jakin hori ez dela legala enpresa baten mesedetan jardunez gero. Kontratu honen bitartez, Margüelloren konpainiak 1,9 milioi fakturatu zituen. 6,8 milioi euroetara arteko gainontzekoa beste kontratu baten irregulartasunei dagokio, Bizkaiko pazienteen errehabilitazioarekin lotura duena. Hemen ere, ostera, Elorriagak Margüelloren mesedetan jokatu zuen nahierara zerbitzua honi esleituz. Esleipena egiteko martxan jarritako lehiaketa bertan behera utziaz lehenbizi, hautagai bakarreko eta jakitera eman gabeko prozedura negoziatu bati bidea emanez gero. Hautagai bakan hori Gestión de Recursos Sanitarios XXI eta Clínica Indautxuk eraturiko aldi baterako enpresa-elkarte bat zen.

Hasieratik fiskaltza izan da kasuko akusazio bakarra, Eusko Jaurlaritzako zerbitzu juridikoek ez baitute eskatu kartzela zigorrik, bai ordea konpentsazio ekonomikoa Justiziak fiskaltzari arrazoia emanez gero. Azkenean, baina, konpentsazio ekonomikoak ere erretiratu egin ditu epaiketan zehar diru publikoaren gainean benetako kalteak eman izana ez dela frogatu argudiatuz. Eusko Jaurlaritzaren abokatu Javier Otaolak esandakoaren arabera, bitartekaritzak ez zuen eragin pazienteak artatu gabe geratzea eta zerbitzua zerbitzuen hitzarmenerako finkatutako tarifa maximoetara doitu zen. Epaiketan zehar ez dira, hala ere, nahieran egindako adjudikazioaren kostua eta lehiaketa publiko bidez egin izan balitz izango lukeen kostua xedatu.


Kanal honetatik interesatuko zaizu: Iruzur fiskala
2021-10-04 | ARGIA
Pandoraren Paperak: paradisu fiskaletan ezkutatu diren ondasunen filtrazio berria

Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude... [+]


2021-06-10 | Juan Mari Arregi
Iraultza?

Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.


2021-06-03 | ARGIA
Zerga-sistema aldatzea eskatu du ELAk, enpresa handiek gehiago ordaindu dezaten

"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]


Sark, Europako azken lurralde feudala

1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.


2021-01-22 | ARGIA
Vatikanoko Bankuko presidente ohiari bederatzi urteko kartzela-zigorra ezarri diote iruzurragatik

2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]


Eguneraketa berriak daude