Euskarazko arreta ziurtatzeko neurriak eskatu dizkio Arartekoak Iruñeko Udalari
Administrazioan Euskaraz taldeak aurkeztutako eskaerari erantzunez eman du ebazpena Nafarroako Arartekoak. Udalak bi hilabete ditu gomendioa onartzen duen edo ez erabakitzeko.
Elkarteak salatu zuen Iruñeko Udaleko Hirigintza Gerentzian, 38 langile egonik, euskara eskatzen duen profileko lanpostu bakarra ere ez dagoela. Kexa maiatzaren 31n aurkeztu zion Arartekoari Administrazioan Euskaraz Taldeak (AET), eta Javier Eneriz Arartekoak eman dion erantzuna jakinarazi du AETk: “Euskararen erabilera arautzen duen udal-ordenantzan xedatutakoa aplikatuz, behar diren neurriak har ditzala herritarrek Hirigintza Gerentziarekin, ahoz zein idatziz, euskaraz jarduteko eta erantzuna hizkuntza horretan jasotzeko duten eskubidea bermatzeko”.
Udalak bi hilabete ditu Arartekoaren gomendioari erantzuna emateko, elkarteak azaldu duenez. Arazoa aspaldikoa dela gogorarazi du AETk, baina Arartekoaren ebazpenak eragina izatea espero duela adierazi du: “Alderdi politiko desberdinek gobernatu dute Iruñeko Udalean eta, bitartean, Hirigintza Gerentzia euskaratik aparte ibili da, autonomo. Arartekoaren parte-hartzea eraginkorra izanen ahal da!”.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]