Euskarazko akten aldeko epaiei helegiteak ezarri dizkie Espainiako Estatuak
Euskara hutsean aktak bidaltzen dituzten sei udalek aldeko epaiak jaso zituzten irailean. Espainiak EAEn duen Gobernu ordezkari Carlos Urquijok helegiteak jarri dizkie udal horiei guztiei.
aurre egingo dieten hedabide independenteak
Urriaren hasieran jakin zuen Alegiako Udalak Espainiako Estatuko abokatuak helegitea jarri zuela.
Orain beste udalek jakin dute haiei ere helegiteak ezarri dizkietela epaitegietan, hala nola, Amezketa, Gaintza, Arama, Bergara eta Elgetako udalei.
Aurrekariak: bost epai alde, bat kontra
Orain arte, Amezketa, Gaintza, Bergara, Arama eta Elgetako udalek jaso dituzte epaiak.
Lehenengo, Amezketako eta Gaintzako udalen albistea iritsi zen. Bi udalok aktak euskara hutsean bidaltzea zilegi zela erabaki zuen Donostiako Epaitegiak. Urquijoren helegiteen aurkako epaiak eman zituen epaitegiak beraz.
Gaintzako eta Amezketako udalek jaso zuten epai bera izan dute geroxeago Elgeta, Bergara eta Aramako udalek ere.
Baina Lekeitioko Udalak, adibidez, kontrako epaia jaso zuen.
Euskararen Legearen anbiguotasuna baliatuta epaileek aldeko edo aurkako epaia eman dezakete, baita auzitegi berekoek ere.
