Macronen gobernua “inoizko txarrena” dela esan du Indok Seaskaren Herri Urrats festan
Milaka herritar batu dira aintziraren inguruan, berriz ere. Paxkal Indo Seaskako presidenteak bere kargua utziko duela jakinarazi du, borrokan kolektiboki jarraitzeko deia eginaz: “Hori da gure indarra”.
Eguraldi ederra lagun izan du Senpereko aintzirara hurbildu den jendetzak. 2.500 boluntarioren lanari esker, musikaz, jan eta edatekoez, antzerkiaz, edo haurrentzako jarduerez gozatu ahal izan dute. Aurtengo edizioan bildutako dirua Larzabaleko Manex Erdozaintzi Etxart kolegioa eta Baionako Bernart Etxepare lizeoa laguntzera bideratuko da.
Egun berean jakinarazi dute Paxkal Indok Seaskako presidente ardura utziko duela. Indo Donibane Lohizunen jaio zen 1968an. Seaskako ikasle izana, 2008an hartu zuen Iparraldeko Ikastolen Elkarteko presidente kargua. Soinu teknikaria eta musikaria da lapurtarra, hainbat musika taldetan aritua. ARGIAk elkarrizketa luzea egin zion martxoan.
Hain zuzen ere, Indok hartu du hitza Herri Urratsaren irekiera ekitaldian, goizeko hamarretan. Iragan hurbilari begiratu dio presidenteak: "Hasi nintzenean 2.100 ikasle zeuden, gaur egun 4.200. Garaipenak izan dira, baina hori kolektiboki egin dugu. Euskaldunok badakigu zer den hori; gure indarra da".
Orainaldira eta etorkizunera begira ere aritu da Indo. Irakasleen afera zabalik dagoela gogorarazi du: Seaskak 30 irakasle berri eskatu dizkie Frantziako Hezkuntza Departamentuari eta Euskararen Erakunde Publikoari, urtez urte ikasle kopuruak handitzen jarraitzen duelako. Momentuz, ordea, bost besterik ez dizkiete agindu. Macronen gobernua kritikatu du bide batez, “inoizko Gobernu txarrena” eta “murgiltze ereduaren aurka” dagoena. Eskatutakoa lortu bitartean borrokan jarraituko dutela adierazi du Indok: "Borrokan eman ditugu Seaskan 50 urte, eta lortu arte borrokan jarraituko dugu".
Mobilizazioak
Mobilizazioak deitu ditu Seaskak irakasle gehiago lortzea xede. Maiatzaren 17an ospatuko dira Iparraldeko hiri nagusietan, Euskaraz ikasi nahi dugu. Murgiltze eredua ez unki lelopean.
Maiatzaren 12an Senpereko lakuaren inguruan egin da Herri Urrats, ohi bezala. 41. edizioan Nekane Artola Ikastolen Elkarteko lehendakariak hiru gauza galdegin ditu: baliabideak, hizkuntza politika ausartagoak eta euskararen ofizialtasuna.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
40 taldeen artetik garaile atera da Muga Zero punk-rock taldea.
Ipar Euskal Herriko ikastolen aldeko festak “aukerak ireki” nahi dizkie euskal musikagileei. Urtarrilaren 3an amaituko da izena emateko epea, eta otsailean iragarriko dute irabazlea. Saria maiatzaren 12an Herri Urratsen zuzenean jotzea izango.
"Ekaitz erauntsiak Herri Urratsen 40. urteurrena ospatzeko geneukan ametsa zapuztu du. Besta bere handitasun osoan ezin ospatze horrek milaka euroko galera ekonomikoa ekarri dio Seaskari; hori dela-eta, deialdi zabal bat egiten diogu euskal jendarte osoari".
Igande honetan, maiatzak 14, urtero bezala Ipar Euskal Herriko ikastolen Herri Urrats festa ospatuko da Senpereko lakuaren inguruan. Aurten, Ilargikoop ikasle kooperatibak bere txoko propioa izango du Xiberoa gunean. Elkartenetekin batera egun osorako egitaraua antolatu dute:... [+]
Aurten 40 urte beteko ditu Herri Urratsek eta, “sorpresaz beteta” etorriko da, antolatzaileek ARGIAri azaldu diotenez. “Urratsak zubi” lelopean, maiatzaren 14an egingo da festa Senperen eta aldarrikapenek leku inportantea izango dute, azterketak euskaraz... [+]
Ba oso inbento ona da Herri Urrats. Ipar Euskal Herriko ikastolek aurrera egiteko eta hori dena, noski, baina baita Hego Euskal Herritik egun-pasa joaten garen askorentzat, katarsi politiko-mentala egiteko ere. Gure kainismoaren aurkako antidoto perfektua. Bat-bateko... [+]
Igande honetan, maiatzak 8, Ipar Euskal Herriko ikastolen festa ospatuko dute Senpereko lakuaren inguruan, bi urteko etenaldiaren ondoren. Joatekoak bazarete Araba gunean antolatu duten TxikiLinux Txokora gerturatzea gomendatzen dizuegu. Goizeko 9:00etatik aurrera bertan izango... [+]
Pandemiak eragindako bi urteko hutsune behartuaren ostean, Senpereko lakuak Euskal Herriko txoko guztietako pertsonak jasoko ditu igande honetan, 2022ko Herri Urratsen. Itzulera honetan zapatilak lotu eta hainbat ikuskizun eta kontzertuz gozatzeaz gain, Seaskak bosgarren... [+]
Bi urtez ohiko jaialdia egin gabe egon ostean Senpereko aintzirara itzuliko da Ipar Euskal Herriko ikastolen festa. Asteazkenean iragarri dute aldarrikapena eta festa batuko dituen egitaraua.