ARGIA.eus

2022ko urtarrilaren 26a

Euskarabenturak 130 gazte elkartuko ditu 2022ko espedizioan, Euskal Herria euskara hutsean zeharkatzeko

  • 2005 eta 2006 urteetan jaiotako gazte euskaldunek jada hautagaitza bidaltzeko aukera dute. Aurkezpen bideo bat eta banakako proiektu bat egin beharko dute. Datorren espedizioan euskaldunek itsasoarekin duten harremana landuko dute.

Leire Artola Arin @aleirea
2021eko abenduaren 22a
2018. urtean hasi zen Euskarabentura, gazteen aktibazioa bultzatzeko. / Argazkia: Euskarabentura.

Asteartean aurkeztu dute Euskarabenturako edizio berria Pasaiako Albaola Itsas Kultur Faktorian. 2022ko uztailean oinez eta euskara hutsean egingo dute Mauletik Getxorako bidea 130 gaztek. Zabalik dago parte-hartzeko hautagaitza aurkezteko epea, martxoaren 4ra arte. 2005ean eta 2006an sortutako diasporako nahiz bertako gazte euskaldunek izango dute aukera.

16-17 urteko gazteek minutu bateko aurkezpen bideo bat eta antolatzaileek proposatutako gai bati buruzko hausnarketa proiektu bat bidali beharko dute. Eusko Ikaskuntza eta PuntuEus Fundazioak ebaluatuko ditu lanak, eta hautaketa egiterako orduan kontuan izango dituzte gazteen jatorria, generoa eta motibazioa.

Itsasoa izango da gai nagusia

Euskarabenturaren lehen espedizioa 2018an abiatu zuten, gazteen artean euskararen erabilera sustatzea oinarri hartuta. Datorren edizioak helburu bera izango du, baina, aurrekoetan ez bezala, euskaldunek itsasoarekin duten harremana landuko dute. Honela azaldu dute antolatzaileek: “Euskal Herria oinez zeharkatzeaz gain euskal kultura, geografia, hizkuntza eta gizartea ondo ezagutzeko aukera izango dute gazteek, askotariko bisita, tailer, hitzaldi edota espedizioa bisitatuko duten gonbidatuen eskutik”. Elkano Fundazioarekin elkarlanean arituko dira.

Bideo honen bidez animatu dituzte gazteak 2022ko espedizioan izen-ematera:

Kanal honetan artxibatua: Euskararen erabilera

Euskararen erabilera kanaletik interesatuko zaizu...
Mitxel Elortza
"Haur euskaldunak erdaldunekin nahastea nahi dugu, baina euskara ardatz"

Elkarrizketa honen abiaburua urriaren 31n ARGIAn argitaratutako erreportajea da: Etxetik euskara dakarten haurrak ikasgela berean ala sakabanatuta?. Mitxel Elortzaren (Gasteiz, 1988) hainbat esan jaso zituen artikuluak. Elortzak, Arnas Dezagun taldearen bozeramaileak, azalpen... [+]


Euskaraz jardutea periferikoa da

Bilboko Podemoseko kide batek, euskal identitatearen aldarria “supremacismoarekin” lotu zuen,  burgesiarekin, talde pribilegiatua garela, alegia. Eta pribilegiatu garen aldetik, mehatxutzat ikusten omen ditugu, emakumeen ahalduntzea, etorkinek dakarten hizkuntza... [+]


2021-11-10 | Leire Artola Arin
“Haurren aurrean helduok heldu” euskararen erabilera soziala bultzatzeko ariketa antolatu dute

Euskaltzaleen Topaguneak helduen hizkuntza ohiturak aldatzeko egitasmo praktikoa abiaraziko du azaroaren 22ean, eta abenduaren 5era arte egongo da martxan. Haurren eredu diren nagusien artean euskararen erabilera areagotu nahi dute, etorkizunean hizkuntza-praktika horiek arau... [+]


2021-10-18 | Hiruka .eus
Paul Bilbao eta Beñat Garaio solasean: "Gaur egun, euskara ez dago erdigunean"

Euskararen kaleko erabilera behera doa; hori adierazten dute datuek. Nola izan daiteke hizkuntzaren ezagutza eta erabilera sustatzeko inoiz baino baliabide eta ahalegin gehiago egiten diren garaian erabilerak behera egitea? Horri buruz gehiago jakiteko, Egizuk eta Azebarrik... [+]


‘Parkean euskaraz’ egitasmoa
Iruñerriko gurasoek haurren eredu izan nahi dute

Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude