Euskaltzaindiak Paskual Rekalde izendatu du euskaltzain oso
Paskual Rekaldek eta Paula Kasaresek beren burua aurkeztu zuten euskaltzain oso izateko. Ostiralean, Rekalderen aldeko hautua egin du akademiak, gehiengo osoz.
Otsailaren 28an Andres Iñigo emeritu izendatu ostean, beronen lekua beteko zuen hautagaia aukeratu beharrean zegoen Euskaltzaindia. Hautagaitzak aurkezteko epea zabalduta, euskaltzain oso izateko beren burua aurkeztu zuten Paskual Rekaldek eta Paula Kasaresek. Hautaketa ostiralean egin du Euskaltzaindiak, Bilbon duen egoitzan gauzatutako osoko bilkuran. Gehiengo osoz, Paskual Rekalde (Amaiur, 1963) aukeratu dute euskaltzain oso; zortzi hilabeteko epea du sarrera hitzaldia prestatzeko. Rekalderekin, 93 dira 1918tik euskaltzain oso postua bete duten pertsonak.
EHUko Euskal Filologiako lizentziaduna da Rekalde. Gaur egunean, Nafarroako Gobernuko euskara itzultzailea eta Eusko Jaurlaritzako Terminologia batzorde bereziko kidea. Orain hogei urte ekin zion Euskaltzaindian bidea egiteari, eta ondoko batzorde eta lantaldetan dihardu: Corpus, Euskalkiak, Euskaltzaindiaren Hiztegia, EBE, Gramatika eta Onomastika. Hizbea Hizkuntza Kalitatearen Behatokia zerbitzuaz ere bera arduratzen da. Euskaltzain urgazle izendatu zuten 2003an, eta 2018tik Euskaltzaindiaren Nafarroako ordezkariordea da.
Euskaltzaindiak Hiztegia sarean eguneratu du: 646 forma berri jaso ditu azken sei hilabeteotan, eta 1.130 forma moldatu edo findu. Lehendik dagoena txukuntzeari ere garrantzia eman diote. “Adibideak ere berrikusi ditugu, batez ere berdintasunari dagozkionak: emakumeen... [+]
Bizialdia darama Gasteizko toponimia ikertzen. Bateko eta besteko toki izenak jasotzen, forma zuzena eskaintzen... Eta toponimiaz galdezka hasi, eta bizi-historia kontatu digu, Gasteiz eta Nuarbe (Azpeitia) loturik, Alizia ahizparen eta Anjel Otaegiren ama Maríaren... [+]
Nabarralde Fundazioak Federico Krutwig Sagredoren bizitza, pentsaera eta lanak jasotzen dituen liburua argitaratu du. Krutwigen Lagunak elkarte edo kolektiboko 13 lagunek idatzi dute bertan, tartean Manu Ertzillak eta Oskar Arantzabal eibartarrak. Hain zuzen ere, bi hauek egongo... [+]
Martxoaren 24an izango da, eta 8.000 pertsonak emango diote eskua elkarri. Ikastolen Elkarteak eta Euskaltzaindiak antolatu dute ekimena. "Euskara batuak gure herriaren garapenean izan duen balioa" azpimarratu nahi dute, eta euskara batuaren sorrera bultzatu... [+]