ARGIA.eus

2022ko urtarrilaren 26a

Euskal presoen aldeko mobilizazio deszentralizatua egingo dute urtarrilaren 8an

  • Bilbon ohiko manifestazio handia egin behar zuen Sarek, baina elkarteak azaldu du, “osasun egoeraren ondorioz” Hego Euskal Herriko lau hiriburuetan eta 200dik gora herrietan egingo duela mobilizazioa.

Xabier Letona Biteri @xletona
2022ko urtarrilaren 05a
Iazko urtarrilean Donostian egindako manifestazioa (Arg.: Sare)

Baionan ere elkarretaratzeak egingo dira Bakearen Artisauek deituta. Hiru tokitatik abiatuko dira zutabeak, 15:00etan: Euskaldunen Plazatik, Reduit plazatik eta Laugatik. Jakes Esnal, eta Jon eta Unai Paroten eskatasuna ere eskatuko dute.

Sarek hiru aldarrikapen nagusi eramango ditu kaleetara: bat, preso guztiak hurbiltzea, salbuespenik gabe eta gehiago atzeratu gabe. Bi, bigarren gradutik hirugarrenerako progresioa, espetxeko baimenak hartzeko eta baldintzapeko askatasuna lortzeko aukera desblokeatzea; eta hiru, bizikidetzaren eta bakearen alde aurrera egiten jarraitu beharra, "erantzukizunez, errespetuz eta enpatiaz".

Sarek jakinarazi duenez, jakitun da jende asko ezingo dela mobilizazioetara joan, eta horiei presoen aldeko ekimena sareetara eraman dezatela eskatu die.

Bilboko mobilizazioaren aurretik euskal gatazkaren biktimei buruzko mahai ingurua egingo da Euskalduna Jauregian Sarek antolatuta, honako partaideekin: Robert Manrique, Hipercorreko ETAren biktima; Naiara Zamarreño, ETAk hildako PPko zinegotziaren alaba; Rosa Luch, ETAk hildako Ernest Luch-en alaba; Maider Garcia, GALek hildako Juan Carlos Garcíaren alaba; eta Idoia Zabalza, Guardia Zibilak torturaz hildako Mikel Zabalzaren arreba. Pili Kaltzada kazetaria arituko da moderatzaile lanetan. Ondoren parte hartuko dute Arantza Aldezabalek eta Joseba Azkarraga Sareko kideek. Sarek adierazi duenez, biktimen hainbat elkartetako ordezkariak ere izango dira entzuleen artean.

Euskal alderdi gehienek adierazi dute egongo direla ekitaldian. Honakoak, besteak beste: EAJ-PNV, EH Bildu, Elkarrekin Podemos, Podemos Nafarroa, ELA, LAB, UGT, CCOO, STEILAS, ESK, ETXALDE, HIRU, CGT, CNT eta EHNE

Sareren ondoren txioan kontsulta daitezke Euskal Herriko mobilizazio guztiak non izango diren:

Baionako mobilizazioaren zehaztasunak hemen:

Kanal hauetan artxibatua: Euskal preso politikoak  |  Sare plataforma

Euskal preso politikoak kanaletik interesatuko zaizu...
2022-01-25 | ARGIA
Sare
"Presoen herenak baino gehiagok beren etxeetan behar lukete"

Espetxe politikaz eta egiten diren salbuespen legeez gogoeta txostena aurkeztu du Sare euskal presoen eskubideen aldeko mugimenduak. Presoak bigarren graduan blokeatuta eta beren zigorrak osorik betetzera behartuta daudela salatu du mugimenduak, eta azpimarratu du... [+]


2022-01-24 | ARGIA
Ramada presoak ospitaleratuta jarraitzen du eta Martuteneko espetxeak hirugarren gradua ematea eskatu du

Zainketa intentsiboetako unitatetik (ZIU) kanpo dago jada euskal preso politikoa, baina ospitalean. Eusko Jaurlaritzari dagokio espetxeak proposatutako hirugarren gradua berrestea edo ukatzea.


2022-01-24 | Leire Artola Arin
Espetxean jarraituko duen amagandik bereizi dute Izadi, hiru urte bete dituen egunean

Motxiladun haurra izango da Izadi, Maria Lizarraga eta Iñigo Gutierrez euskal presoen alaba. Igandean bete ditu hiru urte, eta legeak hala dioenez, Aranjuezeko espetxetik atera dute urtemuga egunean, amagandik banatuta. Aitarekin elkartu da, Gutierrez ostiralean aske utzi... [+]


2022-01-19 | ARGIA
Olga Comes euskal preso politikoa aske geratu da, zigor osoa beteta

Etxeratek jakitera eman duenez, Olga Comes euskal preso politikoa eranat aske geratu da, ezarritako kondena osorik beteta. 2021eko azarotik baldintzapean aske zegoen.


2022-01-19 | ARGIA
Altsasuko gazteen eskakizuna atzera bota du Estrasburgoko Auzitegiak

Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude