ARGIA.eus

Bultza kazetaritza independentea

Euskal hezkuntzaren alde elkarrekin lan egiteko eskatu du Urkulluk Araba Euskarazen

  • Milaka lagun gerturatu ziren igandean Lapuebla de Labarcara, Assa ikastolak antolaturiko Araba Euskaraz jaian parte hartzera. Arabako Errioxako ikastola honek euskararen alde egindako lana goraipatu zuen Iñigo Urkullu Eusko Jaurlaritzako lehendakariak.

ARGIA
@argia

2014ko ekainaren 16a - 00:00
Azken eguneraketa:2015-02-26 13:37:33
Sei kilometroko eta ekitaldiz betetako ibilbidean, milaka euskaltzalek egun onaz gozatu zuten.

Euskal hezkuntza sistemaren alde eta honek dituen "erronkei aurre egiteko", elkarrekin "ausardiaz, inteligentziaz eta zuhurtziaz" lan egiten jarraitzea garrantzitsua dela azpimarratu zuen lehendakariak. "Euskarak aurrera egin du, eta zuek zerikusi handia duzue horretan", gaineratu zuen, jaiaren antolatzaileei zuzenduta.

Batxilergoko ikasgela berriak egiteko erabiliko dute festarekin jasotako dirua, eta batez ere, garraio bekak ordaindu ahal izateko. Izan ere, Haur Hezkuntzatik Batxilergorako eskaintza duen eskualdeko ikastola bakarra (D ereduko ikastetxe bakarra) Assa izanik, egunero eskualdeko herri tixikietatik, baita Logroño edo Nafarroatik ere, umeak datozkie, guztira 27 herritatik. Garraio azpiegitura ordaintzeko, diru-laguntzen beharra azpimarratu dute behin baino gehiagotan ikastolako arduradunek.

Mugan bizi bizi

1977. urtean sortu zen ikastola, sei bat ikaslerekin. Egun, 380 ikasle ditu eta erreferentziazko ikastetxe bihurtu da inguruan. Arabako Errioxan euskara osasuntsu dagoela adierazi asmoz, Mugan bizi bizi izan da aurtengo leloa. Sei kilometroko eta ekitaldiz betetako ibilbidean, milaka euskaltzalek egun onaz gozatu zuten.

Assa ikastolari buruzko erreportajea argitaratu dugu Argian: Elkarkidetza denon artean ikasiz.


Araba Euskaraz kanaletik interesatuko zaizu...
2022-06-14 | ARGIA
"Trebiñu Araba da, Trebiñu euskara da"

Lehenengo Araba Euskaraz egin zenetik 40 urte bete diren honetan, Trebiñuko Argantzun ikastola izango du ardatz aurtengo jaialdiak, ekainaren 19an. “Zortzi ikastola gara Araban, Ikastolen Elkartearen baitan bildurik. Zortziak bat egingo dugu, Argantzun ikastolaren... [+]


2021-06-21 | Aiaraldea
Jai-eredu berrien esperimentazio eguna izan da Araba Euskaraz

Aiaraldea.eus-ek ekainaren 21ean Laudion egindako Araba Euskarazen kronika jaso du. Horrez gain eguna argazkitan eta bideoan jaso du.

 


Araba Euskaraz 2020 gosez, sortzaileak eta herritarrak asez

Urriaren 17an eta 18an Amurrio Antzokian botako du Aresketa Ikastolak aurtengo Araba Euskarazeko azken traka. Ahotsenea eta tokiko sortzaileen eskutik, kontzertu eskaintza zabala prestatu dute.


2020-09-10 | Aiaraldea
Durangoko Azokatik Amurriora mugituko da Ahotsenea

Kultur sortzaileak Durangoko Azokatik Euskal Herriko plazetara gerturatuko ditu Ahotseneak, Amurriora tartean. Urriaren 18an izango da eskualdeko emanaldia, Aresketa Ikastolak antolatutako Araba Euskaraz ekimenaren baitan.


2020-05-20 | ARGIA
Ikastolen lau jai udazkenean izango dira eta Nafarroa Oinez ez da egingo

Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]


Eguneraketa berriak daude