Aiaraldea.eus-ek ekainaren 21ean Laudion egindako Araba Euskarazen kronika jaso du. Horrez gain eguna argazkitan eta bideoan jaso du.
Goizetik arratsaldera arte luzatu da Araba Euskaraz jaia Laudion. Goizean zehar euri txanta bakan batzuk erori diren arren, zerua eguzkitsu matendu da ia denbora guztian zehar.
Goizeko hamarretan eman diote hasiera jaiari, Herriko plazan eginiko ekitaldiarekin. Hainbat ordezkari politikok hartu dute hitza bertan: Ander Añibarro alkateak, Ramiro Gonzalez ahaldun nagusiak eta Jokin Bildarratz Hezkuntza sailburuak. Trebiñuko Argantzun Ikastolari pasa diote Araba Euskarazen lekukoa. Gauzak hala, 2022an eskola horri egokituko zaio ekimena antolatzea.
Pandemia egoera dela eta, ohiko jai-eredua eraldatu dute antolatzaileek. Baina muga bat izan zitekeena aukera bihurtzen asmatu dute, ohikoan egingo ez liratekeen ekintzak burututa.
Bi gune nagusi egon dira: Herriko eta Aldai plazetakoa eta Lamuza parkekoa. Tonbola, tokiko ekoizleen azoka, Go!azen-en ikuskizuna, 'scape room'-a, umeentzako jarduerak, dantzak, bertso-saioa... makina bat ekintza eskaini dituzte herrian zehar. Arratsaldean, aldiz, musikak hartu du protagonismoa, Maider Zabalegi eta Aneguriaren emanaldiekin.
Lotura honetan dituzue Irati Serrano Arreguik ateratako hamarnaka argazki.
Aiaraldea Komunikabideak zuzeneko emisioa eskaini du ekainaren 20ko goizean Laudioko Herriko plazatik, Araba Euskaraz jaiaren testuinguruan. Eguneko hainbat protagonista igaro dira kamera aurretik.
Lehenengo Araba Euskaraz egin zenetik 40 urte bete diren honetan, Trebiñuko Argantzun ikastola izango du ardatz aurtengo jaialdiak, ekainaren 19an. “Zortzi ikastola gara Araban, Ikastolen Elkartearen baitan bildurik. Zortziak bat egingo dugu, Argantzun ikastolaren... [+]
Urriaren 17an eta 18an Amurrio Antzokian botako du Aresketa Ikastolak aurtengo Araba Euskarazeko azken traka. Ahotsenea eta tokiko sortzaileen eskutik, kontzertu eskaintza zabala prestatu dute.
Kultur sortzaileak Durangoko Azokatik Euskal Herriko plazetara gerturatuko ditu Ahotseneak, Amurriora tartean. Urriaren 18an izango da eskualdeko emanaldia, Aresketa Ikastolak antolatutako Araba Euskaraz ekimenaren baitan.
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Udaberriko ikastolen jaiak atzeratuko dituela iragarri du Ikastolen Elkarteak. “Saminez” hartutako erabakia izan dela adierazi du, baina uneotan "gizateria eta gizarte mailako beste lehentasun batzuk" dituela, eta egoera orokorra aldatu arte ezingo duela... [+]