Euskal Herriko zazpi lurralde, karta jokoan batuta
Euskal Herriko VIII. Mus txapelketa 250 herritan jokatuko da eta 2.000 bikotetik gora ariko dira. 2009an jaio zen ekimena “herri gisa aritzeko eta lotzeko”. Urdiñarben izango da finala 2016ko martxoaren 5ean.
Lehendik ere mus txapelketak antolatzen zituzten Iparra Hegoa elkarteak, Orreaga fundazioak eta Bai Euskal Herriari ekimenak elkarlanean abiatu zuten hausnarketa baten ondoren Euskal Herriko Mus Federazioak 2009an ekin zion mus txapelketa antolatzeari eta geroztik hazi baino ez da egin.
Erriberatik Zuberoara, Enkarterrietatik Erronkarira, Euskal Herri oso bikoteak aurrez aurre izango dira beste behin, jokoan ez ezik, harremanak egiten eta elkar ezagutzen, horixe baita zio nagusietako bat: “Euskal Herrian bizi dugun zatiketa gainditu eta bide berriak jostea”, antolatzaileen esanetan.
Izena emateko aukera
Azaroa, abendua eta urtarrilean kanporaketak jokatuko dira 250 herritan; 2016ko otsailaren 20an berriz zazpi lurraldeetako kanporaketak, eta martxoaren 5ean finala, Zuberoako Urdiñarbe herrian. Izena emateko edo partiden antolaketan parte hartzeko www.ehmus.eus webgunera jo daiteke.
Mus jokoa Euskal Herriko zaharrenetako bat da, Manuel Larramendik XVIII. mendean jada aipatu zuen eta zenbaiten arabera gurean du jatorria, jokoan bertan erabiltzen diren adierak euskal errokoak izan lirateke adibidez.
Urtebetez, jolas garaian Lehen Hezkuntzako neska-mutilen mugimenduak behatu dituzte Kataluniako bi ikastetxetan. Espazioaren gehiengoa mutilek okupatzen dute eta neskak bazterretan mugitu ohi dira. Ikerketak hainbat gogoeta utzi du espazioaren antolaketaz, genero rolez... eta... [+]
6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Horrela amaitzen da ARGIAk sortu berri duen OTU karta-jokoko azalpena; baina jolasaren hasiera ere izan liteke, dibertsioa hasteko sarrera. Modalitate asko egon litezke, irekia da jolasteko modua, baldintza bakarra irudimena izango da. Aurrean dituzun kartekin, bakarka edo... [+]
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta... [+]