Martxoaren 8rako egun gutxiren faltan, Bilboko Areatzako tinglatuetan agerraldia egin du Mugimendu Feministak, astearte goizean. Greba egunean kaleak hartzeko deia egin die emakume* guztiei.
Beste eredu politiko, sozial eta ekonomiko baten aldeko apustu feminista agerian jarri asmoz, “kaleak berriro ere era masibo, alai eta aldarrikatzailean hartzeko” deia luzatu die Euskal Herriko Mugimendu Feministak emakume* feminista guztiei.
“Greba feminista honetan, emakume* anitzok lurzoru komun batean sustraituriko borroka artikulatu dugu. Oinarri ideologiko eta helburu politiko konpartitu batzuk dituen lurzorua: feminismo antikapitalista-antikolonialista eta heteroarauaren kontrakoa”, adierazi dute.
“Bizitzak erdigunera” aldarri, greba zaintzen gatazka erdigunean jarri eta azaleratzera dator, bizitza sostengatzeko ardura kolektiboak exijitzeko: “Austeritateak zaintzen krisia sakondu duen garaiotan, zaintzaren berrantolaketa soziala aldarrikatzen dugu, politika publikoen zeharkako ardatza izan dadila”.
“Gure lurraldeetan eta gorputzetan burujabe izateko. Lana eta aberastasuna modu justuan birbanatzeko. Bazterreko subjektuok, gure aurkako biolentziarik gabe, aske izan ahal izateko” greban parte hartzera gonbidapena luzatzearekin batera, Euskal Herriko hiriburuetako deialdiak publiko egin dituzte. Beheko kartelean ageri dira zehazturik:
Frantziako Estatu mailan bideraturiko greba feministari lotu dira Ipar Euskal Herriko sindikatuak eta talde feministak ere. Soldatapeko lanean, zaintzan eta kontsumoan bideratu dute greba.
Hilabeteren buruan feministok emakume* langileon egunean kaleak hartzera aterako gara. Urteroko zita dugu, urtez urte gogoz antolatu eta prestatu duguna. Pasa den astean atzera begirada arin bat egin genuen Portugaleteko asanbladan, 2018ko eta 2019ko greba feministak... [+]
Guardia Zibilak informazio faltsuak eta adierazpen manipulatuak sartu zituen M8ko manifestazioari buruzko txostenean, Espainiako Gobernuari pandemiaren hedapenaren errua leporatzeko, manifestazioa baimendu izanagatik. Txosten horrek ekarri du Moncloak Madrilgo erkidegoan duen... [+]
"Oso azkar goaz", "baina helduta goaz" esan zion emakume batek beste bati Gasteizko Olagibel kalean, justuki Ertzaintzaren komisaldegiaren parean. Eguerdiko 12:30ak ziren gutxi gorabehera. Aldi berean, toki berean, "Gora borroka feminista!" oihuak... [+]