Euskal Herriko eskubide sozialen kartaren lehen zirriborroa onartu dute
Euskal Herriko eskubide sozialen karta sortzeko hirugarren asanblada egin zuten hainbat eragile sozialek eta sindikalek igandean Donostian. Bertan, kartaren lehen zirriborroa onartu zuten.
Eskubideen “gainbeherari” erantzuna eman nahi diote kartaren sustatzaileek eta “gehiengo sozial baten mesedetan dagoen sistema” eraikitzea dute helburu.
Gutunak, beraz, bi asmo nagusi dauzka. Batetik, Euskal Herrian bizi diren pertsona guztientzako bizi baldintza duinak lortzea. Bestetik, ekonomia eta baliabideak euskal herritarren zerbitzuan jartzea. Horrez gain, karta “mobilizazio tresna” ere izatea nahi dute proiektuko partaideek. “Mobilizazio sozialik gabe ez dago politikak aldatzerik”, adierazi dute, ohar baten bitartez.
Maiatzaren 25ean egin zuten eskutitza zirriborratzeko lehenengo batzarra. Geroztik, edukiari buruzko eztabaidan dihardute.
Hirugarren asanbladaren ostean, “kartaren eraketaren fase berriari” ekingo diote. Hala, herrietara eta sektoreetara zabalduko dute hausnarketa. Ondoren, abenduaren 14an, laugarren batzarra egingo dute, herrietako prozesuak aztertu eta aurrerantzean egin eman beharreko urratsak zehazteko.
Hemen karta osatzeko arrazoiak: Euskal Herriko eskubide sozialen karta. Zergatik eta zertarako?
Su txikien itsasoa deituriko topaketak antolatu dituzte irailaren 30erako Ozaetan (Araba). Gizarte mugimenduko eragile guztiei luzatu diete gomita, "harremanak estutzeko", "sinergiak sortzeko" eta elkarren arteko "zoru komun eta erronken"... [+]
Irailaren 30ean Ozaetako GaraiON Sorgingunean "Su Txikien Itsasoa" ekimena burutko dute, konfluentzia espazio izan nahi duena. Eragile ezberdinen arteko aliantzen garrantzia nabarmendu dute.
Eskutitza osatzen duten erakundeek kontzentrazioa egin dute Nafarroako Parlamentuaren aurrean, Aurrekontu hauei ez! Pobretzearen aurrean, erreforma fiskala lelopean.
Euskal Herriko Eskubide Sozialen Kartak deituta, manifestazioak egin dituzte larunbatean Donostian, Bilbon, Iruñean eta Gasteizen. 15.000 lagun baino gehiago bildu dira, eta aberastasunaren banaketa, bizitza duinak eta prezioen kontrola exijitu diete Eusko Jaurlaritzari... [+]
Eskubide Sozialen Kartak deituta diru sarrera duinen aldeko ekimena egin dute Bilbon eta Iruñean. 1.400€ko gutxieneko soldatak eta 1.260€ko gutxieneko pentsioak exijitu dituzte. Adierazi dutenez, 2008an baino 103.000 herritar gehiago daude pobrezia egoeran... [+]