Euskal Herriko 25 ardo ekologiko edan eta erosi ahalko dira Donostiako Kaxildan
Kaxilda eta Biba Ardoak kooperatibek elkarlanean martxan jarri duten ekimena aurkeztu dute abenduaren 15ean. Amarako liburu denda eta jatetxea aurrerantzean Euskal Herriko ardo ekologikoen ardandegi ere izango da eta "ardo kultura berria" sustatzeko ekimenak antolatuko ditu.
Aurkezpenean ideia hauek nabarmendu dituzte Biba Ardoakeko koordinatzaile Arturo Villanuevak, Luisja Oregi mahastizainak eta Kaxilda Jatetxe eta Liburudendako kide Josean Arriolak eta Esteban Zamorak:
Krisi garaiotan ekonomia sozial eraldatzaileko bi proiektu hauek indarrak batu eta elikadura burujabetzaren bidea elkarrekin jorratzea eta sakontzea erabaki dute, interkooperazioa eta erresilientzia eraikiz. Horrela Kaxilda mahastizain eta ardozaleentzat topagune berria izatea nahiko lukete.
"Ardo kultura berria" sustatzea helburu
Ardandegiaren sorrerarekin landa eremua eta hiriaren arteko lotura berrosatzen lagundu nahi dute mahastizainen lana ikusgarritasuna eta balorea emanez. Elkarrekin "ardo kultura berria, bizia, osasungarria eta herrikoia" bultzatu nahi dute, egoerak ahalbidetzen duenean ardo kultura berriaren inguruko egitarauen bidez: topaketak, liburuak, dastaketak, hitzaldiak, afariak...
Euskal Herriko 25 ardo ekologiko aukeran
Aurrerantzean Kaxildan Euskal Herriko 25 ardo ekologiko erosi ahalko dira etxera eramateko. Eta hurrengo asteetan jatetxearen barran eta kartan ardo hauen eskaintza zabala eskainiko dute.
Artikulu honetan azaldua du Garazi Zabaletak Biba Ardoak egitasmoa.
Ardogintza borborka dago: mundu mailan gaineskaintza dagoela-eta, iaz milaka litro erosi zituen Jaurlaritzak destilatzeko. Espainiako Gobernuak diruz lagundu zuen mahats berdea lurrera botatzea. Aurten ere antzeko neurriak hasi dira agertzen. Baina nola iritsi gara egoera... [+]
Edariak eta Ardoa (EDA) Drinks & Wine Campusak bigarren egoitza bat izango du Arabako Errioxan, Gasteizkoarekin batera. EDA Basque Culinary Centerrek “garatu eta gidatutako” proiektua da, Eusko Jaurlaritzak eta Arabako Foru Aldundiak sustatu dute. “EDAk... [+]
Igandean eman zitzaion hasiera ofiziala mahats bilketari Araban, Navaridaseko Mahats-bilketaren Jaiaren XXVIII. edizioa eginda. 2023an Jaurlaritzak 15,3 milioiko laguntzak eman dizkio sektoreari, milioika litro ardo erabilera industrialerako destilatu edo mahatsa zuzenean... [+]
Errioxa Jatorri Izendapenaren estatutu aldaketari oniritzia eman zion Espainiako Nekazaritza Ministerioak, eta merkatuaren eta lehiaren ikuspegitik desegokia delakoan, Jaurlaritzak errekerimendua bidali du Madrilera.