Euskal Herria harrera herria dela aldarrikatu dute milaka lagunek
Pertsona guztien zirkulazio askea eta migratzaileentzako harrera duina eta integrala aldarrikatu dute milaka lagunek asteburuan, “Euskal Herria, harrera herria” lelopean. “Denok gara edo izan gara migratzaile, eta Euskal Herriaren historia harrera pasarteez zein ihesaldi garaiez beterik dago”, gogoratu dute antolatzaileek.
Irungo Harrera Sareak deituta, Irundik Hendaiako erretentzio zentrora eta handik Irungo erdigunera egin zuen larunbateko manifestazioak. Antolatzaileen arabera, 5.000 lagun inguru batu ziren migratzaileen eskubideen alde. Faxismoaren kontrako oihuak ugariak izan ziren, ibilbidean zehar. Amaieran, Amets Arzallus eta Alaia Martinek bertsoak kantatu zituzten, eta Glaukomako Juantxo eta Irungo Bad Sound taldearen txanda izan zen ondoren.
Azken sei hilabeteetan, 5.500 pertsonari egin die harrera Irungo Harrera Sareak. Instituzioen utzikeria salatu dute behin baino gehiagotan. “Honaino iristeko bere etxea eta herriak uztera behartuak izan direnentzako” errespetua eskatzen du Sareak.
Karitatetik harago, elkartasuna
Euskal Herriak etorri direnei besoak beti zabaldu dizkiela gogoratuz, karitatetik harago elkartasuna eta justizia nabarmenduz, eta politikariei ardura eskatuz, manifestua sinatzeko deia ere zabaldu du Irungo Harrera Sareak.
.jpg)
.jpg)
.jpg)
.jpg)
.jpg)
.jpg)
.jpg)
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.
Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.
Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.
Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.