ARGIA.eus

2020ko irailaren 24a

Europar Batasunak CO2 emisioak %55ean murriztea proposatuko du 2030era begira

  • Europako Batzordearen presidente Ursula von der Leyenek “Hitzarmen berdea” delako plan estrategikoa aurkeztu du, negutegi efektua eragiten duten gasen emisioa gutxitzeko.

Mikel Eizagirre
2020ko irailaren 16a
Ursula von der Leyen. Argazkia: Wikimedia Commons

La Vanguardia egunkariak argitaratu duenez, Europa klimatikoki “kontinente neutro” bihurtzeko asmoa adierazi du Europako Batzordeko buru den Ursula von der Leyenek, datozen hamarkadei begira. Horretarako, “Hitzarmen berdea” izeneko plana aurrera eramatea du lehentasun, zeinaren arabera CO2 emisioen %55a gutxitzea bilatuko den.

Osasun zein ekonomia-krisiek presazko arreta behar dutela aitortu duen arren, klima aldaketaren kontrako neurriak hartzea “nahitaezkoa” dela adierazi du, Europako Batzordearen planari jarraiki.

Isurketak murrizteak industria, zerbitzu, garraio eta energia-sektoreentzat erronka handia ekarriko duela onartu arren, “ezinbestekoa eta atzeraezina” dela uste du. Helburu horren zuzeneko eraginen eta neurrien ebaluazioa irailaren 17an aurkeztuko dute.

Osasuna EBren esku?

Von der Leyenek osasungintzaren arloan ere aldaketa nabarmenak egin beharraz hitz egin du, tartean EBren eskumena izatea: "Osasunean indartsuagoa den Europako Batasun bat eraiki behar dugu" adierazi du, baina horretarako beharrezkoa ikusi du finantzaketa handiagoa izatea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Larrialdi klimatikoa  |  Kutsadura  |  Europar Batasuna

Larrialdi klimatikoa kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude