Europako Batzordeak uko egin dio TTIP akordioaz eztabaidatzeari

  • Uztailean Europako 150 elkarte inguruk Herritarren Europar Ekimen bat erregistratu zuten, EBren eta AEBen arteko TTIP hitzarmenaren negoziazioak geldiaraztea helburu. Milioi bat sinadura bildu behar zuten, gaia Europako Batzordean eztabaidatu zedin. Alta, Europako Batzordeak ekimena errefusatu du.

Unai Brea @unaibrea
2014ko irailaren 16a
TTIPen aurkako mobilizazio bat. (Arg.: piratetimes.net)

Stop TTIP kanpaina uztailean aurkeztu zutenean, 150 taldek babesten zuten ekimena, orduan idatzi genuenez. Honezkero 230 dira, baina Europako Batzordeak  euren asmoa zapuztu zuen joan den irailaren 12an egindako bilkuran.

Ezkutuan egiten ari diren negoziazioak geldiarazi eta gaiari buruzko eztabaida zabal eta gardena sustatu nahi dute kanpainaren antolatzaileek. Halaber, EBren eta Kanadaren arteko CETA hitzarmena –TTIPen oso antzekoa– indarrean ez jartzea dute xede.

TTIPen aurkako kanpainako bozeramaileek eskandalutzat jo dute Batzordearen erabakia. “Merkataritza itun hauen aurkako oposizioa oso handia da, inoiz ez bezalakoa, dena sekretupean egiten direlako, eta orain eskaria egiteko eskubidea ere ukatu digute. Horrek agerian uzten du EBko erakundeen izaera antidemokratikoa; botere ekonomikoa eta finantzarioa baizik ez dute ordezkatzen”.

Europako Batzordeak argudiatu du, berriz, mota horretako ekimen bat onartzea bere eskumenetik kanpo dagoela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: CETA  |  AEB  |  Europar Batasuna  |  CETA

CETA kanaletik interesatuko zaizu...
Azkenak
EGILEA
Eguneraketa berriak daude