Herritarren presioa eta antolaketa ezinbestekoak direla azpimarratu du Bilboko Alde Zaharreko Etxebizitza Taldeak
Bilbo Zaharreko etxe-kaleratzetik astebetera, gertakizunen gaineko irakurketa plazaratu du AZET Alde Zaharreko Etxebizitza Taldeak. Gizarte zerbitzuak eta Bilboko Udala erantzuletzat jo eta Poliziaren jarrera salatzeaz gain, etxebizitza sindikatuen beharraz ohartarazi dute.
aurre egingo dieten hedabide independenteak
Irailaren 10ean, Bilbo Zaharreko bizilagun Mari Carmenen etxe-kaleratzearen aurrean, hamarnaka lagun mobilizatu ziren Urazurrutia kaleko 35. atariaren bueltan. Ertzaintzari kaltetuaren etxebizitzara heltzea eragotzi asmoz, eraikineko sarrera blokatu zuten kanpotik zein barrutik, eta erresistentzia horri esker lortu zen gizarte zerbitzuekin Mari Carmenentzat alternatiba adostea. Hala, Mari Carmen bere bizilekutik kanporatu bazuten ere, udalak behin behinean bizilekua ordainduko ziola hitz eman zuen, kaltetuari etxebizitza gastuei aurre egitea posible zaion arte.
Negoziaketa hori AZET Alde Zaharreko Etxebizitza Taldearen esku hartzearen emaitza izan zen, beronek deitu baitzuen mobilizaziora. Etxebizitza Taldeak etxe-kaleratzea baino bi egun lehenago izan zuen kasuaren berri, Mari Carmenek berak bezalaxe. Azken honek epaiketa izan zuen alokairua ez ordaintzeagatik, eta jakin bazekien arren kaleratuko zutela, ez zekien noiz. Irailaren 8an, etxe-kaleratzea baino bi egun lehenago jaso zuen ekainaren 8an agindutako etxe-kaleratzearen abisua. Egoera horren aurrean, Mari Carmeni elkartasuna adierazi eta kalean geratu zedin ekidin asmoz, AZETek etxe-kaleratzea gelditzeko deialdia egin zuen.
Gertakizunen gaineko irakurketa
“Garaipen txiki hori” helburu bat izatetik urruti “abiapuntua” dela xedatu du AZETek, gertakizunetatik astebetera plazaratu duen irakurketaren bidez. Etxebizitza Taldearen aburuz iragan ostegunekoa “etxebizitzaren arazoa politizatuz, klase elkartasuna antolatzen” jarraitzeko abiapuntua da. Eta helburu horretara bidean ezinbestekotzat jo du herritarren “presioa eta auto-antolaketa”. Azpimarratu dutenez, lorpena ezinezkoa zatekeen “auzoko bizilagunen eta Bizkaiko auzo eta herri ezberdinetako etxebizitza sindikatuetako kideen parte hartzerik gabe”.
Salaketarik egiteko ere probestu dute. Adierazi dute Mari Carmenen kaleratzea ez zela izan ez kasu isolatu bat, ez prekarietate arazo indibidual bat, ezta partikularren arteko arazo bat ere. Irmoki salatu dute: “Mari Carmenen kaleratzea politikoa da eta erantzuleak ditu”. Zentzu horretan gizarte zerbitzuen eta Bilboko Udalaren utzikeria seinalatu dituzte, Udala joz kaleratzearen arduradun politikotzat.
Horrekin batera, Ertzaintzaren jarrera gaitzesteko ere probestu dituzte lerroak. Bortitz eta neurriz kanpokotzat jo dute poliziaren jarrera, eta leporatu diote egoera tenkatu eta pertsonen aurka oldartu izana. Ildo horretan, seinalatu dute Bilboko Udaltzaingoa Ertzaintzarekin bat eginik aritu zela.
Etxebizitza sindikatuen aldeko apustua
Gertakizunen irakurketa egiteaz harago, etxebizitza arazoaren irakurketa politikoa ere egin dute. Zehaztu dute etxebizitza hautemateko bi modu kontrajarri daudela, klase interesei hertsiki lotuak: etxebizitza bizilekutzat duena batetik, eta etxebizitza merkantziatzat jotzen duena bestetik. “Horixe da gatazka klase parametroetan kokatzen duen gakoa eta etxebizitzaren arazoa politizatzeko mahai gainean jarri behar den kontraesana”, azaldu dute.
Kontraesan hori mahai gainean jarrita, herritarren bizitzak eta etxebizitzak defendatzeko “borroka erradikalaren aldeko apustua” egiteko irmotasun agertu du AZETek. “Langile klasearen proletarizazio prozesuaren baitan, gero eta jende gehiagok ezingo du alokairua ordaindu edo etxebizitza duin bat lortu. Testuinguru horretan, gure ustez, auzokideak etxetik bota ez ditzaten borrokatzea klase elkartasuna berrantolatzeko modu bat da”, azaldu dute. Eta ildo horretan, azpimarratu dute etxebizitza sindikatuak antolatzeko apustuan berresten direla.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]