Etxebizitza eskubidearen aldeko legea onartu dute Nafarroan PP eta UPNren kontrako bozekin
Etxebizitza eskubidea bermatzeko neurriak biltzen dituen lege proposamena onartu du Nafarroako Parlamentuak. PPN eta UPNk kontra bozkatu dute eta gainontzeko alderdi guztiek alde: PSN, Bildu, Aralar-NaBai, I-E eta Geroa Bai-k.
Etxetik kaleratuak izateko arriskuan dauden herritarren kasuan, Gobernua etxebizitza hauen kargu egin ahal izango da hiru urtez. Epe horretan, kaleratua izateko arriskuan zena bertan bizi ahal izango da, diru-sarreren %25a gainditzen ez duen alokairua ordainduz. Hutsik dauden etxebizitzen errolda ere egingo dute; hiri-kontribuzio zerga bikoitza ordaindu beharko dute alokairuan ez dauden etxebizitzek.
Victor Rubio Bilduko ordezkariak dioenez, egunean bi etxe-kaleratze egiten dira Nafarroan eta 35.000 etxebizitza huts daude. Bere hitzetan: “Etxebizitza politika aldatzeko garaia da”. Parlamentuek “egiazko arazo honi” irtenbideak bilatzea “herritarren presioaren” ondorioa da, Xabier Lasa Aralar-NaBai-ko parlamentariaren arabera.
Aldiz, PPNko Eloy Villanuevak legea “zentzugabea” dela eta alde bozkatu dutenak hauteskundeei begira ari direla uste du. Maribi Castillo UPNko politikariak legea “alferrikakoa eta demagogikoa” dela salatu du.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
