Etxebizitza bat ziurtatu eta lau egunera ukatu: Gasteizko Udalaren azken urratsa kale gorrian utzi zuen familiarekin
Gizarte Zerbitzuek familiari behin-behineko bizitoki bat ziurtatu diotela eta lau egunera udalarentzat “garestiegia” zelako ukatu diotela jakinarazi dute Alde Zaharreko eta hiriko eragileek: gizarte zerbitzuen jarrerak “familiaren etsipena larriagotzen du”, salatu dute.
Oinarrizko eskubideen urraketa berria salatu dute “berriz ere” Alde Zaharreko Gasteiz Txiki Auzo Elkarteak eta Auzoan Bizi Plataformak, CEAR Euskadiren, Eskubide Sozialen Plataformaren eta Kalean Gorrian Inor Ez ekimenaren babesarekin, oraingoan prentsa ohar baten bidez.
Ekainaren 2an eginiko prentsaurrekoan eragile berberek esandakoak gogoratu dituzte lehenik: “Maiatzaren 10ean ARGIA-k familia baten kasua ezagutarazi zuen (senar-emazteak eta hiru seme adingabe). Alarma egoera betean eta gizarte langilearekin harremanetan zegoela, konfinamendua pasatzen ari ziren gelatik kanporatu eta kale gorrian geratu zen. Gasteizko Udalaren larrialdi zerbitzuen aldetik inongo alternatibarik ez jasotzean, Olarizuko etxebizitzetara iritsi ziren, urik eta argirik gabe eta poliziaren etengabeko presioarekin”. Bertan azaldu zutenez, prentsaurrekoaren deialdia publiko egin zen egunean bertan familiak zerbitzu sozialen deia jaso zuen, “familiarentzako behin-behineko egoitza irtenbide bat” topatu zutela esanez. Muturreko bazterkeria egoera hobetze bidean zegoela adierazi zuten egun hartan.
Etsipenean sakondu
Errealitatearen bilakaera erabat kontrakoa izan da, ordea, auzoko eta hiriko eragileek gaur salatu dutenez. Zerbitzu sozialen lehenbiziko deiak familiari lasaitasuna ekarri ziola azaldu dute, haientzako etxebizitza bat zegoela ziurtatu baitzieten: “Etxez aldatzeko prestatzera eta seme-alabei jakinaraztera gonbidatu zituzten”. Baina “prentsaurrekotik denbora tarte laburrera” familiak gizarte langilearen beste dei bat jaso zuen (lehenbiziko deitik lau egunera). “Iragarritako irtenbidea ukatzen zieten orain, udalarentzat garestiegia zelako”, azaldu dute. Egoera bere horretan mantentzen da, beraz. Baina Alde zaharreko eragileek azpimarratu dute familiaren etsipena handiago dela orain gizarte zerbitzuen portaeraren ondorioz, lehenbizi gauza bat agindu eta jarraian agindutakoa ukatu baitiete.
Gertatua ez dela kasu isolatua azpimarratu dute Gasteiz Txikik eta Auzoan Bizik: “Familia askotan egoera larriagoa da pandemia eta krisi testuinguru honetan. Erakundeen erantzunak, arindu beharrean, egoera batzuk okertzea ekarri du”. Hirian jabetza publikoko etxebizitza asko dagoela gogoratu eta horiek erabiltzea eskatu dute, “bizi dugun bizitegi-larrialdiari aurre egiteko”.
.jpg)
Kalea bilakatu da espazio publiko. Ezarri zaio ordena diseinuaren, arauen eta zaintzaren bitartez. Higienismo garaikidea aztertu dugu Bilboko errealitatea ardatz hartuta.
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Dozenaka eragilek babestutako agerraldi jendetsuan, kezka agertu du auzoetan mezu xenofobo eta baztertzaileak indartzen ari direlako herritarren artean. Herrigintzak “zailtasun eta erreminta falta handia” duela uste dute, baina gatazkei elkartasunetik eta saretuz... [+]
Maiatzaren 20an indarrean sartuko da Espainiako Atzerritarren Legearen erreforma berria. Loueila Sid Ahmed Ndiaye sahararrak (Tinduf, Aljeria, 1990) egunero ikusten du lege horrek pertsona migratzaileen bizitzetan duen eragina. 1999an iritsi zen Kanaria uharteetara Saharatik,... [+]
Bazterkeria egoeran dauden pertsonen elikadura beharrei erantzuteko, Paris 365 jantoki solidarioa martxan jarri zuten Iruñean, 2009an. Ordutik, euro baten truke egunero hiru otordu bero ematen dituzte. Urtarrilaren 27an iragarri zuten aurrez aurreko afariak emateari... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]