Etxebarriko enpresari batek bost urteko kartzela zigorra eskatu du bi langilerentzat

  • TMA enpresak 2013an itxi zuen eta horri kontra egiteko greba eta protestengatik auzitara eraman zituen hainbat langile. Orain 5 urte eta 6 hilabeteko kartzela eta 9.000 euroko fiantza eskatu du haietako birentzat, LABek salatu duenez.


2016ko uztailaren 07an - 09:15

Uda hasieran jaso dute bi langileek beren kontrako eskaera penala eta kartzelarekin ordain dezakete euren lanpostuen defentsan “lan gatazka kalera ateratzea eta legalki komunikatutako manifestazio eta kontzentrazioak egitea”, azaldu du LABek.

Etxebarriako Talleres Mecánicos Arakistainen (TMA) 2013an lan gatazka luzea izan zen. Enpresak langileei soldata ordaintzeari utzi zion eta zortzi hilabetez greban izan ziren, harik eta urte amaieran lantegia itxi eta kalean geratu ziren arte. Tartean protesta eta ekintza ugari egin zituzten.

Rafael Zabala nagusiak zazpi langileren kontra auzibide penala ireki zuen eta Bizkaiko Probintzia Auzitegiak haietako biri –bata langileen ordezkaria izandakoa– urruntze agindua ezarri zien epaiketa egin artean. Orain jakin dute enpresariak 5 urte eta 6 hilabeteko kartzela zigorra eta 9.000 euroko fidantza eskatu duela bientzat, akusazio partikular moduan.

"Hiriko" auzian nahasia

LABek gogorarazi du TMA enpresa bera auzipetua dagoela “Hiriko” kasuan diru publiko bidegabe erabiltzeagatik: “Langileek beraien eskubideen defentsan borrokatzeagatik eta enpresarien irregulartasunak kontrolatu nahi izateagatik, epaituak eta kartzelaratuak izan daitezke”.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude