ETAk eskutitzez adierazi die hainbat eragileri desegitearen erabakia
Eldiario.es agerkariak filtratu du gutuna. Apirilaren 16ko data du eskutitzak eta “bere egitura guztiak erabat desegin” eta “bere ekinbide politikoa bukatutzat jo duela” adierazi du ETAk.
Erabaki horrek, “ETAren 60 urteko ziklo historikoa ixten du. Ez du gainditzen, ordea, Euskal Herriak Espainia eta Frantziarekin duen gatazka politikoa. Gatazka ez zen ETArekin hasi eta ez da ETAren ibilbidearekin batera bukatu”, gutunaren arabera.
Euskal Herria aukera berri baten aurrean dagoela dio ETAren agiriak: “Gatazkaren zikloa behin betiko itxi eta bere etorkizuna denon artean eraikitzeko. Ez ditzagun akatsak errepikatu, ez ditzagun arazoak usteltzen utzi. Hori arazo berrien iturri baino ez litzateke izango”.
Sufrimendua iraganeko kontua ez dela dio eskutitzean: “Urtetako konfrontazioak zauri sakonak utzi ditu eta sendabide egokia eman behar zaie. Batzuk odoletan daude oraino, sufrimendua ez baita iraganeko kontua”.
.jpg)
Josu Urrutikoetxearen aurka bi auzi iragan behar dira aste huntan Pariseko auzitegi korrekzionalean. Biak ere ETA talde armatuko kide izateagatik dira, baina mementu desberdinetan.
Zer esan dezakegu, Euskal Herriaren aurka Espainiak eta Frantziak darabilten konfrontazioari buruzko kontraesan nagusirik planteatzen ez dutenez? Zergatik, garrantzi handiko aukera mediatiko horren aurrean, ez da planteatzen Euskal Herriaren nazio eta gizarte arazoa? Zergatik ez... [+]
Iktus baten ondorioz hainbat egunez ospitalean egon ondoren, ostiral eguerdian hil da Perez Rubalcaba. PSOEko idazkari nagusi ohia eta besteak beste Espainiako Barne ministro izandakoa, haren eragina nabaria izan zen ETAren azken garaian Espainiako Estatuaren estrategia... [+]
David Pla eta Iratxe Sorzabal epaituko dituzte Parisen otsailaren 4an eta 5ean. 2015eko irailean atxilotu zituen Frantziako Poliziak Baigorrin.