Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren Ero Ni eta Lisabö bozgorailuetatik. Ahots urratuak, elurra, Gasteiz. Coronación de la Virgen Blanca kalea, 4. ezkaratzea. Ilara desordenatua, zigarroak, enkontruak eta sorpresak. Besarkadak.
Sarrerak, zigilua azalean, epeltasuna. Jende ilara kontsignaren aurrean, berokiak eskuan. Atearen gainean, letra-zopa erraldoi bat: Eta Edertasunaren Lorratzetan Biluztu Ginen Lorategi Izoztuan Hezur Hauts Bilakatu Arte (Lisabö 2016-2025). Hiru garagardo, 12 euro. “Ondo ikusteko, goian hobeto?”.
Bateria erdi-erdian, baxua eta gitarra alde banatara, abeslaria erdi ezkutuan. Hona hemen, inoren ero ni. Gure deabru laztanak lagun gaitzala zuen ezinegona elikatzen. Melodia asaldagarrien zurrunbiloa. Tronpeta txiki arraro bat. Dantza eklektikoak. Konpenetrazioa. “Ze onak diren kabroiak”. Irribarre konplizeak aurpegietan. Megafono bat oihuka. Il cercatore di perle. Baketa bat baxuan. Ordena bat kaosean. Zirrara, musikari onak gozatzen ikustearena. Askatasuna performatzearena. Gonbidapen bat eta Javi Manterola oholtzan. Eromena ez baita inorena. Ez baita inoren monopolio bihurtuko. “Agur adixkidiok”. Argiak eta reggae doinuak.
“Ezin dituzue edariak atera”. Hotza. Kea. Pintadei eta pegatinei begira puxika hustea. “Beste garagardo bat?”.
Bandera palestinar bertikala anpliaren gainean. Sei musikari, birako azken kontzertua hastear. Giza metronomo bi baterietan, bata bestearen erreflexu bailiran. Oihu urratuen durunda. Oinazearen intimitatea eta kezka bat buruan bueltaka: nola kontatzen da zarata lakar, dentso eta poetiko honek sortzen duen elektrizitatea? Off ahots ezaguna bozgorailuetan. Errautsaren bezpera. Berdin dio, ez zen inoiz aise izan hitz egokiak aurkitzea. Orain, hemen. Animalia lotsatuen lokatz-putzuetan.
Mikroak jartzen teknikari lotsatu bi, poesiak zarataka jarraitu bitartean. Publiko artetik banda bat oholtzara, haizezko instrumentuak eskuetan dituztela, paper zuriz egindako trajeak soinean eta kartoizko kapelak buruan. Instrumentuz instrumentu hazten eta nahasten den desafio kolektibo bat. Zarata gehiago eta surrealismo dosia goraka. “Agian, eromena bada apur bat zuena” dioen barne-ahots bat. “Eta eskerrak” dioen beste bat.
Sei musikari berriro oholtzan, konplizitatea eta izerdia. Perfekzioa, halakorik existitzen bada. Publikoa makurtuta, isilaldia eta klimaxa. Mikrorik behar ez duten txilioak. Oilo-ipurdiak eta dantzak.
Beste gonbidapen bat eta Gorka Urbizu oholtzan. Mugikorrak publikoaren eskuetan. Zirkulu bat, zazpi instrumentu eta armonia. Azken blokea. Eta edertasunaren lorratzetan, begien irribarreak. “Eskerrik asko bihotzez”, txalo-txistu zaparrada eta argiak. Merchand-a, berokiak, agurrak, errotondak, izotza kentzeko makinaren argiak.
Eta bIDEhUTSean, oharkabe, gure bihotzak zapi batean goxo daramatzate.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]
IDOIA ASURMENDI
Non: Bilboko Kafe Antzokian.
Noiz: maiatzaren 29an.
AZETangana! eta Mark Duti
Non: Tira IV jaialdia, Gasteizko Korda espazioan eta Gaztetxean.
Noiz: maiatzaren 10ean.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
Bi festibaletara joateko bonuak 150 euro balio ditu eta maiatzaren 6tik 19ra eskuratu daiteke. EHZ jaialdia ekainaren 27tik 29ra ospatuko dute Aberatzen eta azken Hatortxu Rocka Lakuntzan izango da, uztailaren 24tik 27ra.
Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.
---------------------------------------------------------
Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.