Estatuak euskararekiko erakutsi duen jarrera salatuko dute astelehenean Uztaritzen

  • Kontseiluak eta Euskal Konfederazioak egin dute deialdia. Uztailaren 14an, 18:00etan, Uztaritzeko Herriko Etxearen aurrean elkarretaratzea egingo dute. Herriko Etxeak euskara hizkuntza ofizial izendatu du eta suprefetak, egun berean, erabakiaren aurka hitz egin zuen.


2014ko uztailaren 11n - 00:00
Azken eguneraketa: 2015-02-26 13:37:33
Euskal Konfederazioak Baionan egindako elkarretaratzea 2013an. Argazkia: Gaizka Iroz / Kazeta.info.

Honako testua onartu zuten Herriko Etxean euskarari ofizialtasuna emateko: “Euskara, gure herriko eta lurralde honi (Euskal Herria) izena ematen dion hizkuntza dela, baina euskaldunen hizkuntza eskubideak, gaur arte, ezagupen ofizialik gabe daudela kontuan harturik, Herriko biltzarrak azalpena entzun eta eztabaidatu ondoren, euskara herriko hizkuntza ofiziala izendatzen du frantsesaren hein berean”.

Frantziako Estatuaren ordezkari Patrick Dallenes suprefetak azaldu duenez, “epaitegi administratibora igorriko da tarterik ahalik eta laburrenean eta zuzenenean, eta berehalako auzi prozedura eginen da”. Sud Ouest egunkariari adierazi dionez, ziur da erabakia bertan behera geratuko dela.

Kontseiluak eta Euskal Konfederazioak Uztaritzeko Herriko Etxea zoriondu dute hartutako erabaki ausartagatik, eta era berean, Frantziako Estatuaren esku-hartzea salatu dute. Udalbiltzak eta UEMAk ere sostengua adierazi diote herriko etxeari.

Estatuaren jarrera salatzeko, uztailaren 14an Uztaritzeko Herriko Etxearen aurrean elkarretaratzea egingo dute.


Kanal honetatik interesatuko zaizu: UEMA
2024-05-10 | Antxeta Irratia
Udalerri euskaldunen eguna ospatuko dute Lesakan maiatzaren 18an

"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Hamabi hizkuntzatan banatuko du UEMAK Korrikari buruzko informazioa

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.


2024-03-04 | ARGIA
Udalekuak egingo ditu UEMAk euskaraz bizi diren gazteentzako

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]


Azkoitiko Udala UEMAko kide izango da

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.


Eguneraketa berriak daude