Espetxetik atera dira Kataluniako buruzagi independentistak
Espainiako Gobernuak indultuak onartuta, ekainaren 23 honetan atera dira espetxetik Kataluniako buruzagi independentistak. Honakoa Espainiaren eta Kataluniaren arteko eztabaidetan aurrerapausoa da Sanchezen arabera, baina amnistia eta beste erreferendum bat beharrezko ikusten dituzte katalanek.
Astelehenean Espainiako presidente Pedro Sanchezek iragarritakoari segi, asteartean Kataluniako buruzagi independentisten indultuak onartu zituen Espainiako Ministro Kontseiluak, eta asteazkenean Espainiako Aldizkari Ofizialean indultu dekretuak argitaratu ostean, preso zeuden buruzagi independentistak espetxeetatik irten dira asteazken eguerdirako.
Goizeko 10:30ean jaso dute Espainiako Auzitegi Nazionalaren autoa Bartzelonako Lledoners, Puig de les Basses eta Wad-Ras espetxeek, Generalitateko Justizia Kontseilaritzak jakitera eman duenez. Eta orduz geroztik espero zen modura, 12:00etan ekin diote preso zeuden buruzagi independentistak askatzeari. Carme Forcadell Lluís izan da kalera irteten lehena, eta atzetik jarraitu diote gainontzeko zortziek.
Espainiaren indultu partzialak, Kataluniaren amnistia eskariaren aurrean
Bederatzi buruzagi independentistei onartutako indultuak partzialak dira. Izan ere, diru publikoa modu bidegabean erabiltzeagatik eta sedizio delituengatik agindu zitzaizkien espetxe zigorrak bertan behera geratu arren, inhabilitazio zigorrak bete beharko dituzte. Presoek hiru eta sei urte arteko epean delitu larriren bat egingo balute, Espainiako Gobernuaren erabakia atzera botatzeko aukera legoke.
Pedro Sanchezen iritziz, indultua Espainiaren eta Kataluniaren arteko eztabaidetan etapa berri bat abiatzeko lehen urratsa izan daiteke, "orria pasatzeko eta inoiz utzi behar ez zen bidera itzultzeko garaia" delakoan. Alabaina, alderdi independentistek balizko negoziaketetarako amnistia eta beste erreferendum bat ikusten dituzte beharrezko. Pere Aragones Kataluniako presidentearen hitzetan, "independentismoaren eta ehunka errepresaliatuen aurkako kausa orokorra" konpontzera bidean amnistia beharrezkoa da.
Amnistiaren aldarrikapena herritarren ahotik ere helarazi zitzaion Espainiako gobernuburuari astelehenean, agerraldia egiten ari zen bitartean milaka pertsona bildu baitzen Bartzelonako Gran Teatre del Liceu kanpoaldean, protestan. Kataluniaren independentziaren aldeko aldarriak egiteaz harago, prozesu independentistaren harira atxilotutako preso politiko guztien amnistia exijitu zuten kalean, baita 3.000tik gora errepresaliatuen aurkako jazarpena etetea ere. Ildo berean egin zituen adierazpenak CUP alderdiko bozeramaile Laia Estradak ere, azpimarratuz indultu hauek babesik gabe uzten dituztela "mobilizazio independentistetan parte hartzeagatik errepresaliatutakoak, horietako batzuk kartzela zigorrekin".
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.