Espekulazioaren aurkako taldeek okupatu zuten Senpereko Olha etxea saldu da

  • Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.

Senpereko Olha etxaldearen okupazioa. Argazkia: Ostia sarea.

2023ko abuztuaren 03an - 10:20
Azken eguneraketa: 12:36

Ekainaren 27an abiatu zuten ELB laborarien sindikatuak, Lurzaindia elkarteak, Ostia sareak eta espekulazioa salatzeko sortu duten kolektiboko kideek Senpereko Olha etxaldeko okupazioa. Asteazkenean Alexis Inchauspe notarioaren bulegora joan dira, eta bertan jakin dute 1,3 milioi euroren truke saldu dutela etxaldea.

Laborantza lurrak galtzeko arriskua izan da okupazioa egitera bultzatu duen kezka nagusia, baita lurraren espekulazioa ere. Azken hilabetetan hitz egiteko saiakerak porrot egin ondoren hasi ziren okupazio operazioarekin. Salmenta ondoren, okupazioaren segidarekin zer egin beharko duten ikusi beharko dute, baina momentuz etxean jarraitzeko asmoa adierazi dute.


Kanal honetatik interesatuko zaizu: Lurraren espekulazioa
2024-05-28 | Euskal Irratiak
Kanboko Marieniako eraikuntza proiektua gaitzetsi dute larunbatean

Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.


2024-04-11 | Estitxu Eizagirre
Otxantegi Herri Lurraren II. urteurren jaia
"Otxantegiko lur emankorrak ezin dira porlan azpian geratu, arnasgunea izan behar dute"

Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]


2023-11-21 | ARGIA
Otxantegi Herri Lurrak erresistentzia gosaria deitu du ostegunerako

Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]


Eguneraketa berriak daude