Kalea erabiltzeko udal debekuaren aurrean, jai aldarrikatzaileak Gasteizko Judimendi auzoan
Lehentasuna espazio publikoa “ekonomia sustatzeko” erabiltzea dela esanez argudiatu du Judimendiko jaiak egiteko debekua udalak, auzoko Jai Batzordeak salatu duenez. Erabakia gogor kritikatzeaz gain, egitaraua moldatu dute, “historiako jai aldarrikatzaileenak” ospatzeko asmoz.
Jaien ohiko prestaketa duela zenbait hilabete hasi zuen Judimendiko Jai Batzordeak. Osasun krisiari erantzunez, azken asteak egitaraua moldatzen eta jarduera bakoitzerako segurtasun neurriak zehazten eman dituela azaldu du batzordeak, “kontsumoa eta alkohola oinarri izango ez zituen” eskaintza helburu.
Espazio publikoa, ekonomia sustatzeko
Baina udaletik “debeku borobila” jaso duela salatu du jai batzordeak, jarduera guztiak galaraziz “aukerak eta protokoloak aztertu gabe”. Ziurtatu du ekimen bakoitzerako zehaztutako neurriek segurtasun arau guztiak betetzen zituztela. “Lehentasuna espazio publiko hori hiriko ekonomia suspertzeko erabiltzea dela diote agirian”, azaldu du, azpimarratuz batzordea ez dagoela “taberna eta komertzioen” ekonomia suspertzearen aurka, baina hori ezin dela erabili “aitzakia” bezala “auzoak auzoarentzat modu autogestionatuan antolatutako ekintzak debekatzeko”. Konfinamendu ostean auzoko jaiak, osasunarentzat arriskutsuak izatetik urruti, auzokideen mesederako direla nabarmendu dute.
Jai aldarrikatzaileak debekuen gainetik
Prestatutako jarduera ugari urtebetez atzeratzea erabaki du jai batzordeak, baina beste asko mantenduko dituzte eta bi manifestazio izango dira. Jaiei hasiera ostiral arratsaldean emango zaie, burrunba batekin. Kaleetan auzoaren argazkiak egongo dira ikusgai, eta hainbat tabernatan bideoak emango dituzte auzoaren memoria lantzeko, besteak beste. Umeentzako eta gazteentzako jolasak eta tailerrak ere prestatu dituzte. Larunbat gauean kulturaren aldeko manifestazioa egingo da, “Sutan kultura, zugan kultura” lelopean. Ekainaren 24ko gauean, urtero legez udako solstizioari ongi etorria emango zaio Judimendin, aurten, manifestazio herrikoi batekin. Bertan izango dira momotxorroak, zanpantzarrak, dantzariak eta musikariak.
Madalenetan murgilduta gaudela irakurriko duzue askok artikulu hau, bestela ere pentsatu gure etorkizuneko egunerokoan, jai giro herrikoiak aurrez irudikatzen duen herria baita urte osorako desio dugun herri eredua, deskantsu pixka bat gehiagorekin, noski. Badira urte batzuk... [+]
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
Abuztuaren 9tik 17ra izango da Piraten Aste Nagusia, eta aurten "Auzolanari tiraka!" ariko direla adierazi dute. Abordatzea abuztuaren 11n izango da, eta Piraten Egun "berezia", hilaren 15ean.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AnimalNaturalis eta PETAk manifestazioa egin dute Iruñeko Udaletxearen aurrean, tauromakia bekatua da lelopean.
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.
Eduardo Ibero, Lidon Soriano eta Dyna Kharrat, Yala Nafarroa Palestinarekin plataformako kideek, 2025eko sanferminei hasiera eman dion suziria piztu dute.
Erasoen aurrean jarduteko protokoloaren garrantziaz mintzatu da Equala berdintasun aholkularitza zerbitzuko Leire Martinez. Eraso baten aurrean zer egin, nora deitu eta nola babestu jakiteko balio du. Iruñeko Peñen Federazioarekin aritu dira elkarlanean aurten ere.
Gasteizko Txosnek gaur aurkeztu dituzte ofizialki 2025eko Andre Mari Zuriaren jaietarako kartela eta musika zein kultur programazioa. Hirugarren urtez jarraian, Entxosnatu, etorri gugana! lelopean, gune autogestionatuak abuztuaren 4tik 9ra egongo da irekita, 40 kontzertu eta... [+]