Barne ministerioak aurten Espainiako Poliziari gutxienez 1.000 pistola elektriko emateko asmoa du, eta Guardia Zibilari 160. Jon Iñarritu EH Bilduko diputatuak hauen arriskuari buruzko galdera egin du Gobernuan. Sare sozialen bidez gonbidatu du SUP sindikatuak bere eraginak larrutik probatu ditzala, "Tele5 kateko kazetariak egin zuen bezala".
EH Bilduko diputatu Jon Iñarrituk pistola elektrikoen ondorioei buruzko galdera formulatu zuen Gobernuan, Barne ministerioak 1.000 pistola inguru erostea aurreikusia duela jakin zuenean. Barne ministerioak informazio hau eman du erantzun gisa, 20 minutos webguneak jaso eta Público hedabideak baieztatu duenez:
Barne ministerioak aurten Espainiako Poliziari gutxienez 1.000 pistola elektriko emateko asmoa du, eta Guardia Zibilari 160. Guztira 1.200 pistola elektriko inguru lirateke. Guardia Zibilak dagoeneko horrelako 10 pistola baditu eta Espainiako Poliziaren 1.000 pistola elektriko horiek dagoeneko tramitea hasia dute.
Polizien SUP sindikatuak Iñarritu gonbidatu du sare sozialen bidez, pistola elektrikoen ondorioak bere larruan probatzera, "Tele5 kateko kazetariak probatu zuen moduan".
Si el #diputado @JonInarritu de la formación @ehbildu quiere saber el funcionamiento y lesividad de la #TaseryExtensibleYa, estamos encantados de invitarle a una demostración e incluso a que pruebe sus efectos como hizo el periodista de @informativost5 pic.twitter.com/1kyqRtrvSj
— SUP (@Sup_Policia) April 12, 2020
Barne sailak pistola hauen arrisku mailari garrantzia kendu dio, "ezin da esan hilgarriak edo lesio larrien sortzaile direnik". Adierazi du protokoloak ezarriko dituela eta "argi geratu behar da ez direla erabili behar adin txikikoen eta haurdun dauden emakumeen aurka, ezta pertsona zaharren, eta ezintasunen bat dutenen aurka ere".
Fernando Grande-Marlaskak zuzentzen duen Barne sailak onartu du "arma hauek kalteak eragin ditzakete, baina egoerara egokituta gutxienekoak izango dira". Eta azaldu du egungo pistola elektriko modelo gehienek erregistratuta uzten dutela honen erabilera nolakoa izan den. Barne sailak ukatu du hauen inguruko estatistikarik dagoenik: "Ez dago estatistika ofizialik hauek eragiten duten mina edo heriotz arriskua neurtzen duenik, eta ikerketa ezberdinek jasotzen dituzten datuak elkarrengandik oso ezberdinak dira. Baina onarpen orokorra da alde ikaragarria dagoela suzko armekin konparatuta lesioak eragiteko eta hiltzeko duten gaitasunean".
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]