Espainiako Poliziaren laugarren infiltratua argitara atera du La Directak, oraingoan Gironan

  • Emozio eta sentimenduetan oinarritutako infiltrazio estrategiak baliatu ditu Espainiako Poliziak, Kataluniako ezkerreko hainbat mugimendu eta eragiletan sartzeko. Laugarren kasu honetan, ezkutuko poliziak, etorkin adingabeen aldeko eta etxebizitza sindikatuen mobilizazioetan eta asanblada irekietan parte hartu duela salatu dute.

Espainiako Polizia infiltratua Giroako manifestazio batean . Argazkia: Directa

2023ko uztailaren 14an - 10:49
Azken eguneraketa: 2023-07-17 09:21:39

Espainiako Poliziaren laugarren infiltratua atera dute argitara Herrialde Katalanetan, oraingoan Gironan. La Directa hedabideak egindako ikerketaren ondorioz zabaldu dute kasua.

Espainiako Poliziak 2020an martxan jarritako infiltrazio olatuaren laugarren hanka da. Kasu honetan, poliziak Maria Perelló Amengual gisa aurkezten zuen bere burua. 2012 eta 2015 urte bitarte kriminologia ikasketak egin zituen, eta 2017an Polizia eskolan hasi zen Ávilan (Espainian). Lehendik argitara atera diren infiltrazio kasuek bezala, Espainiako Poliziaren 33º promozioko kide da.

2020ko ekainean etorkin adingabeentzat “ogia, bizitokia, paperak eta lana” aldarrikatzen zuten mobilizazioetan parte hartu zuen. Ondoren, La Directaren esanetan, Gironako militante bat ezagutu eta bikote harreman bati ekin zioten. Horri esker, erraztasun handiagoak izan zituen Gironako mugimendu sozialak eta independentistak gertutik bizi eta ezagutzeko. Esaterako, 2018ko urriaren 1ean auzipetuak izan zirenen (21Raons kasua) eta haien abokatuen arteko bileran egoteko aukera izan zuen, auzipetuen defentsa guztiaz jabetu zelarik.

Gironako etxebizitza sindikatu, asanblada ireki eta Pablo Haselén askatasunaren aldeko mobilizazioetan ere parte hartu zuen poliziak besteen artean. Gainera, Gironako martxoaren 8ko koordinadorara sartzeko saiakera egin zuela ere gaineratu du hedabideak.

Gironako herri mugimenduetan oso ezaguna den ekintzaile batekin (Òscar C) harreman sentimentala sortu zuen espia espainiarrak. Argazkia: La Directa

"Niri egindako erasoak ez dauka izenik, ni eta nire familia suntsitu ditu", salatu du poliziaren bikotekide izandako militanteak. Bere “borondate onenarekin” harreman bat hasi zuela eta “engainatua” sentitzen dela azpimarratu du. Berarentzat infiltrazioaz ohartzea eta onartzea inoiz imajinatuko ez luken tortura izan dela dio.

Salaketa

Prentsaurrekoa egin dute Espainiako Poliziaren infiltrazioa salatzeko, Alerta Solidáriak deituta.

 


Kanal honetatik interesatuko zaizu: Espainiako Polizia
2024-05-21 | ARGIA
Nafarroan epaitu gabe gelditu den bortxaketa bikoitza aztertuko du Estrasburgok

2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]


Zortzigarren polizia infiltratua: bi urte pasatu ditu Madrilgo hainbat mugimendu sozialetan

"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.


2024-05-03 | Gedar
Infiltratutako beste polizia bat atzeman dute Madrilgo hainbat kolektibotan

Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.


Baimenik gabeko zortzi pistola, karabina bat, hainbat bala eta hegazkin bonba bat topatu zituen Ertzaintzak Lezamako Espainiako polizia ohiaren etxean

Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean


Ezker Abertzaleko familia baten etxebizitza tirokatu zuen polizia nazional ohia epaituko dute ekainaren 11n

Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]


Eguneraketa berriak daude