Militarrek antolatutako lasterketa faltsu baten kartelek haserrea eragin dute Donostian
Donostiako leku ugaritan dozenaka kartel agertu dira asteazken goizean, ustez Espainiako Barne Ministerioak eta Espainiako Infanteriak apirilerako antolatutako lasterketa baten berri emanez. Whatsapp bidez zabaldu dira zeuden kartelen argazkiak, sare sozial publikoetara salto egin aurretik. Beste askoren artean, lasterketaren babesle gisa agertzen den Donostiako Udalak eguerdian gezurtatu egin du berria. Ez du inork bere gain hartu ekintza.
Bi gizonen atzean emakume bat ikus daiteke kartelean eta gaztelania hutsezko "Donostia Running por la convivencia" lelopean iragarri dute. Lasterketa Loiolako koarteletik atera, hiriaren erdigunea gurutzatu eta Udaletxearen aurrean amaitzen zen.
Haserrea eragin du herritar askoren artean, eta martxoan Espainiako Armadak hirian antolatu duen historia militarrari buruzko zikloarekin lotu duten bezala, beste batzuek militarrak Donostiako kaleetan entrenatzen ibiltzen direla salatzeko baliatu dute eta beste batzuek hiriko alkate Eneko Goia orain gutxi Loiolako koartelera joan izanarekin lotu dute.
Donostia Kirolak sare sozialetan deialdia faltsua zela jakinarazi du.
Zenbait tokitan azaldu diren "Donostia Running por la convivencia" lasterketari buruzko kartelak fake bat dela adierazi behar dugu
— Donostia Kirola (@donostia_kirola) 2017(e)ko martxoak 15
Pintaketa bat ere egin dute Intxaurrondon.
Kabaretak, parrandak, emakume biluziak dantzan, kokaina, heroina eta morfina salgai farmazietan... Pelikula bateko eszena dirudi, baina Donostiaz ari gara. Orain 100 urte baino gehiago, aristokratentzat eta burgesentzat festa latzak izaten ziren hiriko kabaretetan. 1917an,... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.