Espainiako Gobernuak ETAren armagabetzea ezkutatzeko agindu zion RTVEri
CCOO sindikatuak salatu du apirilaren 8ko albistegiak Moncloatik eta Barne Ministeriotik zuzendu zirela. ETAren armagabetzea albistegien 15. minutuaren ostean aipatu behar zutela agindu zuten.
CCOO sindikatuak zabaldu duen komunikatuan dio EAEko TVEk adituez osatutako operatibo berezi bat prestatu zuela gertakariaren berri emateko, baina Moncloatik asmoa geldiarazi zutela. CCOOren arabera, Moncloatik EAEko RTVEren zuzendaritzari deitu eta “konfiantzazko jendea nahi dugu, zuk badakizu!”, agindu zioten. Hala, hasiera batean Baionara joan behar zutenak ez ziren joan lan hori egitera.
Espainiako Gobernuak eduki zehatz batzuk ere zentsuratu zituela dio sindikatuak. Iñigo Urkullu lehendakaria eta Ram Manikkalingan Nazioarteko Egiaztatze Batzordeko kidearen arteko bilera, Baionako ekitaldia, Frantziako Barne Ministroaren hitzak eta Arnaldo Otegiren adierazpenak ezkutatzeko agindu zuen Espainiako Gobernuak.
Mexikotik kexuak RTVEri
Martxoaren 30ean RTVEko buru Jose Antonio Sánchezek Latinoamerikari buruz esandakoengatik, Roberta Lajous Mexikok Espainiako Estatuan duen enbaxadoreak kexa ofizial bat helarazi dio Kanpo Gaietarako Ministerioari. Madrilgo Casa American emandako hitzaldi ofizial batean “Espainia ez zen inoiz kolonizatzailea izan, ebanjelizatzailea eta zibilizatzailea izan zen”, eta “inperio aztekaren desagertzeagatik penatzea, II. Mundu Gerran nazien porrotagatik penatzea bezalakoa da”, bezalako esaldiak esan zituen. Hitzok asko zabaldu dira Latinoamerikan eta ezinegona sortu dute sare sozialetan.
Gazako inbasioak aurrera darrai, Israelgo Gobernuaren aliatu estrategikoak direlako Mendebaldeko gobernuak, eta beraz, herrialde horietako hedabide nagusiak. Israel biktima bezala aurkezteko asmoa ondorioztatzen da diskurtso nagusien azterketa semantikoa eginez gero. Eta hala... [+]
Hauteskundeetan eragiteko edo bestelako helburuekin, zibernetikoki manipulazioa eta desinformazioa sustatzen, dokumentuak faltsifikatzen edota zuzenean dokumentuak lapurtzen ditu Tal Hanan enpresari israeldarrak. Ikerketa kazetaritza lan batek eman du argitara, eta Kataluniako... [+]
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Miliziak armatu eta zibilak lehergailu inprobisatuak egitera animatzen ari dira kazetariak, normalean terrorismo gisa hartzen dituzten ekintzak.
Artikulu hau Middle East Eyek argitaratu du, hemen ikusi originala.
Madrilgo hauteskunde-kanpainan VOXek karteletan polemika eragin du adingabe migartzaileen aurka bete-betean jo duelako. Azken egunetan kartel honen edukia eta irudiaren atzean dagoen manipulazioa agerian geratu da.