ARGIA.eus

2021eko apirilaren 21a

Espainiako elkarte kanabikoek kalamu salerosketaren erregularizazio legala eskatu dute

  • Besteak beste, urtean 200 eta 600 milioi euro arteko zergak sortuko lituzkeela azpimarratu dute. Ondorioz, Kalamuaren Elkarteen Konfederazioak narkotrafikoaren zati esanguratsu bat Espainiako Estatuaren zerga-bilketan integratzea proposatzen du.

Mikel Eizagirre
2020ko irailaren 22a
Kalamua. Argazkia: Wikimedia Commons

Kalamu elkarteen jardueraren lege erregulazioak 200 eta 600 milioi euro artean sor ditzake zuzeneko eta zeharkako zergetan soilik. Hala dio Espainiako Elkarte Kanabikoen Federazioen Konfederazioak (CONFAC) egindako ikerketak. ElDiario.es atariak CONFACen txostenetik jaso duenez, horrelako 1.500 lokal inguru daude Estatu osoan. “Azken hamarkadan Espainiako hiri gehienetan ezarri den jarduera bat antolatzeko beharra” azpimarratzen du konfederazioak, berau babesteko legeen faltan.

Espainiako narkoekonomiaren atal garrantzitsua betetzen duen marihuana trafikoa legeztatzea eta horrek sortutako irabazien zati bat funts publikoetara bideratzea da proposatzen dutena, hots, Estatua droga trafikoan parte-hartzaile izatea eta jarduera horrekin finantzatzea.

Euren ustetan, “pandemiak agerian utzi du egoera irregular hori alde batera utzi behar dela”, debekuei erreferentzia eginez. Izatez, elkarteek salatu dutenez, konfinamenduan zehar substantziaren eskuragarritasuna murriztu egin da dibertimendurako nahiz helburu terapeutikoetarako darabilten kontsumitzaileentzat, kontsumo hori eskubide terminoetan planteatuz.

Hori bai, sektore horretan ere langileak izan dira kaltetu nagusiak; izan ere, soldata kalamu elkarteetan aritzearen truke eskuratzen duten 7.500 pertsonak diru-iturri oro galdu dute aldi horretan. ABEE eta estatuko bestelako laguntzetatik kanpo geratu dira gainera.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Marihuanaren legeztatzea kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude