Espainiako delegatuak ez du azalpenik emango poliziaren eskuetan hildako Ndiayeren kasuaz
Nafarroako Parlamentuko mahaiak hala eskatu badio ere, Carmen Albak ez du agerraldirik egingo joan den astean polizia-etxean hildako atxilotuaren heriotza argitzeko.
Iruñean Espainiako poliziak indarrez atxilotu zuen Elhdaji Ndiaye senegaldar herritarraren heriotzak itzal eta zalantza ugari ditu oraindik. Nafarroako Parlamentuko mahaiak eta bozeramileek kasu horren berri xehetasun gehiago jakiteko azalpenak eskatu dizkiote Carmen Alba Espainiako Gobernuak Nafarroan duen ordezkariari.
Honek baina ez du agerraldirik egingo. Halaxe jakinarazi du Ana Beltrán PPko talde parlamentarioaren ordezkariak. Espainiako Gobernua duen alderdiaren esanetan Albak ez du “inongo beharrik” azalpenik emateko, legez ez dagokiolako. Nafarroako Gobernuan dauden GeroaBai, Podemos, EH Bildu eta I-Ek ordea, erantzun diote “betebehar moral eta politikoa” baduela delegatuak.
Elhdaji Ndiaye urriaren 25ean atxilotu zuen poliziak oso modu bortitzean eta tentsio handiko egoeran. Indarrez auto batean sartu zuten konorterik gabe, eta ospitalera eraman beharrean polizia-etxera eraman zuten; hortik denbora batera konturatu ziren, bertsio ofizialaren arabera, hilda zegoela.
Atxiloketaren uneko bideo eta testigantzek zalaparta eta zalantza handiak sortu dituzte arrazakeriaren kontrako eragileen eta herritarren artean. Besteak beste, larunbatean senegaldarren komunitateak deituta manifestazioa egin zuten Iruñean Ndiayeren heriotza salatzeko Black lives matter. Bizitza da handiena lelopean.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.