Espainia salatu dute Europan, zentral elektrikoei emandako milaka milioi euroko laguntzak direla eta

  • IIDMA institutuak eta Energia Eredu Berri Baterako Plataformak Espainiako Estatuaren aurkako salaketa ipini dute Europako Batzordean, hainbat urtez zentral elektrikoei emandako diru-laguntzak legez kanpokoak direlakoan. Salaketak aurrera eginez gero, espainiar argindar konpainiek 3.000 milioi euro itzuli beharko lituzkete, 2011-2015 epeari dagokionez bakarrik.


2017ko ekainaren 28an - 18:11
Boroako zentral termikoa, Zornotzan (Arg.: Kepa Diez Ara-CC By SA)

Salatutako ordainketak ahalmenaren truke emandakoak dira. Alegia, zentralak irekita egote hutsagatik jasotzen duten diru-laguntzak, energiarik ekoitzi ez arren. Izan ere, gaur egun estatuan dauden ziklo konbinatuko zentralek beren ahalmenaren %10 baino ez dute jaulkitzen sare elektrikora. EAEn %15 ingurukoa da portzentaje hori, Nafarroan berriz hutsaren hurrengoa.  

90eko hamarkadaren amaieran sektorean emandako liberalizazioa izan zen abiapuntua. 2000. urte inguruan hasi ziren ziklo konbinatuko zentralak barra-barra eraikitzen Espainiako Estatuan, hazkunde aurreikuspenak oso handik ziren une batean. 2008an, eskariaren burbuilak eztanda egin zuenean, ziklo konbinatuetako zentraletan 27.000 megawatteko potentzia zegoen instalatuta, beharko zena baino askoz gehiago.

Beste energia iturri mota batzuek lehentasuna dutenez, potentzia horren zatirik handiena merkatura atera ezinik geratu ziren konpainia elektrikoak. Gobernuak, orduan, ahalmenagatiko ordainsaria ezarri zuen: energia premia dagoen uneetarako zentral horien energia eskuragarri izate hutsagatik dirua jasotzen hasi ziren enpresak. Liberalizazioa bai, baina ez erabatekoa.

Laguntza horiek urtero 700 milioi euroko gastua eragiten dute, kontsumitzaileen poltsikoetatik ateratzen dena. Energia berriztagarriek ezin dute mota horretako laguntzarik eskatu, IIDMA eta Energia Eredu Berri Baterako Plataformak nabarmendu dutenez. Haien salaketak arrakasta badu, 2011-2015 epeagatik soilik energia konpainiek 3.000 milioi euro inguru itzuli beharko lituzkete, Merkatuaren eta Lehiakortasunaren Batzorde Nazionalak emandako datuen arabera.


Kanal honetatik interesatuko zaizu: Energiaren sektorea
2024-03-24 | Nicolas Goñi
CO2a atmosferatik kentzeko ingeniaritza: lurra ustiatzen segitzeko aitzakia?

Klimaren arazoa ingeniaritza kontu bat soilik ote da? Atmosferaren berotegi efektua indartu du munduaren industrializazioak, karbono dioxido kopuru erraldoiak isuri baititugu airera, gure biziraupena kolokan ezarri arte. Zergatik ez, beraz, karbono dioxido hori berriz harrapatu,... [+]


Israelgo Armada hornitzen duten petrolio konpainiak, gerra krimenen konplize?

Israelek 2023ko urrian Gazako sarraskia hasi zuenetik, petrolioa jasotzen aritu da itsasoz munduko txoko askotatik, petrolio enpresa handienek hornituta. Petrolio horren zati bat armada hornitzeko erabiltzen da palestinarren kontrako erasoekin segi dezan.


2024-02-29 | Gedar
Argindarrari ezarritako BEZa %21era igoko dute berriz Espainiako Estatuan

2021ean sartu zuen indarrean beherapena Espainiako Gobernuak, baina pasa den urtarrilean ekin zion hura goratzeari. BEZa igota, batez beste, %15 garestituko da urteko kostua. 2023an, inoizko emaitzarik onenak lortu ditu Iberdrolak.


Repsol, demonioak hemen eta han

Davoseko talaimendi distiratsu eta zuritik hitz egin digu Repsoleko sheriffaren ahotsak, denok entenditzeko moduan: “We have to broaden our mind”. Alegia, mentalitatea zabaldu behar dugula, ezin dugula pentsatu erregai fosilik gabe bizi gaitezkeenik. Ze uste zenuten... [+]


Lemoako Bistibieta zabortegian egon liteke 'Prestige' hondamendian euskal kostaldean bildutako galipotaren %37

Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]


Eguneraketa berriak daude