Astelehenean Ertzaintzak kolpatu ditu Berangoko Alconzako grebalariak, greba mugagabean 57 egun bete dituztenean. Irizar Taldearena den lantegia Norgestion enpresak kudeatzen du eta greban ez dauden langileak baliatuz, makinak piztu dituzte. Kanpoan ziren Ertzaintzako zenbat furgoneta, eta atean protestan ari ziren langileak kolpatu dituzte.
Iker Rincon Moreno kazetariak Hirukan kontatu duenez, Irizar Taldeko zuzendaritzak enplegu-erregulazioko espedientea (EEE) aurkeztu zuen joan den otsailean Alconzak Berangon duen lantegirako, eta horrek 38 pertsona kaleratzea ekarriko luke, langile-taldearen %40a.
Dagoeneko 25 lagun kaleratu dituzte, baina langileek erabaki dute grebarekin jarraitzea denak berrartu arte.
@jerkoreka Eskerrik asko EAJ osoari, zuen laguntzagatik, Euskal Herriko kooperatiba batek IRIZAR GROUP, Euskal Herriko ALCONZA lantegia suntsitu duenean eta 25 kaleratze egin duenean. Ze kooperatiba eredu da IRIZAR? EAJ hainbestetan publikoki eredutzat jarri duenean? pic.twitter.com/xhtnMtkaeP
— Alconza (@Alconza8) April 25, 2022
Astelehenean, Norgestionek fabrika zabaldu eta makinak martxan jartzea erabaki du eta horren aurka protestan ari ziren langileak kolpatu ditu Ertzaintzak.
Tras los 25 despidos que a ejecutado IRIZAR, los trabajadores de ALCONZA han sido reprimidos por la POLICIA VASCA pic.twitter.com/tHfaWWu7Ru
— Alconza (@Alconza8) April 25, 2022
Astearterako goizeko 07:00etan jarri dute hitzordua berriro lantegiaren aurrean.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.