Ertzaintza Arabako campusean sartu da, Martxoaren 3a salatzeko manifestazio baten aurka oldartu ondoren
Ikasle Abertzaleek deituta manifestazioa egin dute 1976ko martxoaren 3an poliziak bost langile hil zituela gogoratzeko. Hala Bedi bere webgunean argitaratu duenez manifestazioa amaitzen ari zela Ertzaintzak kargatu egin du ikasleen kontra.
Manifestazioa eguerdiko 13:00etan irten da Elurretako eraikinetik eta hainbat lagunek hildako bost langileen erretratuak zeramatzaten poliziak kargatu duenean, manifestazio egineta amaierako ekitaldia hastear zihoala, Hara Ba! komunikabideak azaldu duenez.
Manifestazioa abiatu da elurretatik. Herriak ez du barkatuko! Oroimenetik garaipenera! pic.twitter.com/1AldJTkz1f
— HARA BA! (@hara_ba) 2018(e)ko martxoak 1
⚠Adi!⚠
Gasteizko ikasleek M3ko gertaerak oroituz eta langileen borroka aldarrikatuz mobilizazioa burutu dugu kanpusean. Ekitaldia hasteko unean, manifestazioa amaitzear, ertzaintza oldartu eta berau burutzea oztopatu du ikasleak jazarriz, kolpatuz eta 4 gazte identifikatuz!
— HARA BA! (@hara_ba) 2018(e)ko martxoak 1
Jarrera hori ikusita manifestariak Letretako fakultatera bildu dira eta, Hala Bedik txio bidez zabaldutako irudietan ikus daitekeen bezala polizia fakultate horretako patioan sartu da momentu batean, horretarako "baimenik ez duen arren", eta hain bat lagunen kontra oldartu da:
Ertzaintza Letretako Fakultateko patioan eta fakultatean bertan sartu da, nahiz eta horretarako baimenik ez izan https://t.co/Xp61cBBCLD pic.twitter.com/3gDhfeKck0
— Hala Bedi (@halabedi) 2018(e)ko martxoak 1
“Masakre bat gogoratzera etorri gara, zer nahi duzue beste bat?” leporatu diete ikasleek. Lekukoen arabera Ertzaintza “oso bortitz aritu da” eta lau lagun identifikatu ditu.
Ikasle Abertzaleek 18:30ean agerraldia dute egitekoa gertatutakoa azaltzeko Gasteizko Gaztetxean. Gasteizko Unibertsitateko Emakume Taldeak “gogor salatu” du Ertzaintzaren jokabidea eta prentsaurrekora joateko eskatu du.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.