Errioxan sutea izan da birziklatze nabe batean, eta hodei-toxikoa Nafarroara irits daiteke
2.000 metro karratutan biltzen dira plastiko, kautxu eta aluminio-paper hondakinak Pradejon herrian. Su hartu du goizeko ordu txikietan, eta haizeak hego ekialdetik jotzen duenez, Nafarroan sar daiteke ke toxikoa.
Astearte goizaldeko 3:00ak aldera gertatu da sutea, Errioxako Pradejon herriko birziklatze nabe batean. Larrialdi zerbitzuek ez dakite nola sortu den sua, aspaldidanik itxita baitzegoen industria gunea. Egoera kontrolpean dutela jakinarazi dute, baina arazoa sutean baino kean dagoela esan dute. Hodei-toxikoa inguruko herrietara iritsi da; Calahorra eta Rincon del Sotora. Neurriak hartu dituzte herriotan: haurrek jolas-ordua ikastetxe barruan egingo dute, kalean ahalik eta gutxien egotea eta etxeetako leihoak ez irekitzea eskatu dute.
Hego ekialdeko haizea dago, nahiz eta ez duen indartsu jotzen. Dena den, litekeena da Nafarroara iristea: batik bat San Adrian eta Andosillara.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]