Erreniega mendiak fusilatutako 93 herritarren memoria bizi mantentzen du
Urtebete egin du Erreniega mendian oroitarriak jarri zituztela bertan hil zituzten herritarrak gogoan izan eta omenaldia egiteko. Atzo ekitaldia egin zuten han.
Hogei harri daude Erreniega mendiaren gainean. 70 eta 80. Hamarkadetan herritar ugari izan ziren Erreniega inguruan bilaketa lanak egiten. Frankismoan fusilatutako bizilagunen gorpuen bila aritu ziren. Hori hala, joan den urtean horiei guztiei omenaldia egin nahian oroitarriak jarri zituzten. Urtebete joan da ordutik eta atzo omenaldia egin zieten. “Senitarteko eta lagunek hemen aurkitu zituzten senideen gorpuak pilatuta. Guztiak jaso eta ahanzturan eror ez zitezen lan egin dute. Hogei oroitarri hauek ere horretarako dira”, azaldu zuen Felix Train Erreniegako Hobien taldeko kideak.
Albiste hau Euskalerria Irratia-k argitaratu du eta CC-by-sa lizentziari esker ekarri dugu ARGIAra.
1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]