5 urtez errebeldiaren mapan lemapean bostgarren urteurrena ospatuko dute errekaleortarrek irailaren 28an eta 29an. Astebete beranduago, urteurren bateratua: OkupaTU Gasteiz.
2013. urtean, EHUko Gasteizko kanpusean ikasten zuten ikasle gutxi batzuk asanbladan biltzen hasi ziren, ordaindu behar zituzten alokairu garestiei aurre egiteko asmoz. Orduan sortu zen ideia, abiapuntua: urte luzez abandonu egoeran izandako Errekaleor auzoko etxebizitza huts bat berreskuratzea, 26. blokea, hain zuzen ere.
Urteurren hori, orain dela aste gutxi izan da, iraila hasieran. Geroztik, auzoko jaiak maiatzean ospatzeaz gain urteurrena ospatzen dute iraila amaieran, ikasturte hasierarekin batera. Orain, errekaleortarrek bostgarren urteurreneko egitaraua aurkeztu dute, irailaren 28tik 29ra luzatuko dena.
Ostiralean Jaialdi Orteroa ospatuko dute. Gauean auzoko MJ-ak egongo dira eta mozorrotuta joateko deia luzatu dute. larunbatean, berriz, egun osoko egitaraua: haurren txokoa, Komando Klitorix, Liher, herri bazkaria…
Larunbateko pintxo txapelketan izena emateko baldintzak errekaleortailerra@gmail.com-era email bat bidalita azalduko dituzte.
Urteurrena amaitu bezain laster, beste zita garrantzitsu bat izango dute hurrengoa steburuan. Izan ere, urriaren 6an OkupaTU Gasteiz eguna ospatuko dute Hala Bedik, Gasteizko Gaztetxeak, Auzolana Pilotalekuak eta Errekaleorrek. Egun osoko egitaraua aurkeztu dute, erdialdeko gune ezberdinetan banatuta egongo dena: Zea Mays, bazkaria, umeentzako txokoa, jolas okupak, azoka…
Albiste hau Hala Bedi-k argitaratu du eta CC-by-sa lizentziari esker ekarri dugu ARGIAra.
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.
2013ko irailaren 3an Gasteizko aldirietako Errekaleor auzoko 26. ataria okupatu zuten Gasteizko EHUren campuseko zenbait ikaslek. Hilabete amaieran ospatuko dute urteurren borobila, talde entzutetsuen kontzertuekin, besteak beste. Hamarkada oso baten gazi-gozoez, Urtaranen... [+]
Oinharri eskolak Formakuntza Barnetegia eskainiko du, Euskal Herriko herri mugimenduentzako formakuntza politikoa. Lau urte daramatzate formakuntza ematen, eta beraien metodologia Brasilgo Lurrik Gabekoen Mugimenduan (MST) oinarrituta dago, materialismo dialektikoa ardatz.
Azterlan hori egiteko, jendea bizi den blokeen egoera, ezaugarri fisikoak eta eraikuntzakoak, balizko arazoak eta bizigarritasunari dagokionez duten egoera orokorra aztertu dituzte, 2022an zehar. EAEko Eraikinen Ikuskapen Teknikoaren ereduari jarraituz egin dituzte blokeen... [+]