Erraustegien Europako patronalak Bilbon egingo du biltzarra irailaren 19-21ean

  • "Errausketa: Ekonomia Zirkularra egia bilakatuz" [Waste to Energy: Making Circular Economy Happen] goiburua edukiko du Bilbon CEWEP Europako errauste planten patronalak irailaren 19tik eta 21era artean egingo duen biltzarrak. Zabalgarbi erraustegiak antolatu duen ekitaldia Guggenheim museoan irekiko da afari batez, Euskalduna jauregian burutu eta Loiuko Aspaldiko jatetxean beste afari batez amaitzeko.

Zero Zabor @zero_zabor
2018ko ekainaren 18a
Paul de Bruycker CEWEP erraustegien patrolanaren lehendakaria, aurreko biltzar batean. (Argazkia: Waste Management World)

CEWEP errausketa planten elkarteak 22 herrialdetako 400 erraustegiren jabeak biltzen ditu. Bazkideetako bat du AEVERSU Espainiako Estatuko erraustegien patronala, zeinaren kide baita Bizkaiko Zabalgarbi ere. AEVERSUren historian protagonismo handia edukia du Bizkaiko eta Gipuzkoako hondakinen planak, Zabalgarbi eta Zubietako errauste plantak eta bi lurraldeotako hiru porlan fabrika hondakinen erraustegi bilakatzeko planak antolatu dituen Xabier Garmendia Martinezek.

Hondakinen Errausketari "Waste to Energy, W2E" eufemismoz deitzen dion CEWEP Europako erraustegien patronalak Rotterdamen (Holanda) egin zuen 2016n bere 8. batzarra  eta  bertan iragarri zuen 2018ko kongresua Bilboko Zabalgarbin burutuko duela. Prentsari zabaldutako oharrean zioen CEWEPek Zabalgarbi hauta zuela “Europa barruan erreferentziazko planta” omen delako.

Bilboko biltzarraren egitarauan irakur daitekeenez,  besteren artean honako gaiak jorratuko dira bertan:

- Ekonomia Zirkularraren inplementazioa (Lortuko al ditugu helburuak?)

- Errausketa eta energia berriztagarria

- Berrikuntzak errausketaren sektorean: karbonoa harrapatu eta erabiltzea

- Eskoria eta errautsek daramatzaten metalak berreskuratzea

- Errausketaz jendeak daukan pertzepzioa

Egitarauari kasu egitera, errausketaren promozio eta komunikazioari garrantzia handia eman nahi diote Bilboko biltzarrean eta "Perception of Waste-to-Energy and Lessons to Learn" atalean hitz egitera ekarriko dituzte harremen publiko, parte hartze prozesu, irudi eta beste hainbat ataletan berezitutako profesionalak.

2016an Holandako Rotterdamen egin zuen orain arteko azken biltzarra CEWEPek. (Argazkia: Jakob Sahlén)

Hasierako afarian, irailaren 19an, Guggenhem museoan, Bilboko alkate Juan Mari Aburtok egingo die ongi etorria biltzarkideei eta lehen hitzaldiak eta Eusko Jaurlaritzako bezala Espainiako Gobernuko ordezkariak egongo direla ere iragartzen dute. Biltzarraren muina 20an izango da eta hau ere beste afari batekin itxiko dute, Loiuko Aspaldiko jatetxe famatuan.

Irailaren 21 goiza biltzarkideek Zabalgarbi erraustegia bisitatzen emanen dute.

Nor etorriko den Bilbora? Antolatzaileek honakoak espero dituzte: "Europan bezala maila nazionalean gaiaz erabakiak hartzen dituzten pertsonak, bertako agintariak, Errauste Planten arduradunak, Espainiako eta Europako elkarteak, Erraustegien teknologi hornitzaileak, hondakinen kudeaketan ari diren konpainiak, zientzialariak, akademikoak eta baita akziodunak ere. Europako eta bertako instituzioetako hautetsiak, ingurumenaren babeserako agentziak..."

Azkenik, lana eta familia ongi uztartzea inportantea baita, irailaren 20 hitzaldiz betetako horretan biltzarkideen bikotekideak aspertu ez daitezen, senar, emazte, bikotekide edo dena delako maitaleri antolatzaileek goiz pasa atsegina antolatzen diete bazkal garaia arte: "Walking City Tour, including Pintxo (local tapas) tasting in a local restaurant". Nork esan zuen errausketa txarra dela osasunarentzako?

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errausketa  |  Azpiegitura handiak

Errausketa kanaletik interesatuko zaizu...
2019-03-15
Zubietako erraustegiko eraikitze lanak, azken txanpan

Usurbil herriko puntu askotatik begi bistakoa dugu jada Zubietako erraustegia. Eraikitze lanak azken txanpan dituzte jada.


2019-03-12 | Zero Zabor
PSOEk ez du onartuko erraustegirik Tenerifen, Kanariar uharteetan

Arico herrian (Tenerife) Coalición Canaria alderdiaren gobernuak proposatu duen errauste plantaren erabat kontra azaldu dira sozialistak eta esan dute horren ordez apostu egin behar dela hondakinak jatorrian sailkatuta bildu eta birziklatzetik.


2019-03-05 | Zero Zabor
Zubietako erraustegiak badauzka tximiniak (bi) eta dagoeneko ikusten zaizkio

Zubietako erraustegia tximiniarik gabekoa izango ote zen? Hala iradokitzen zuten GHKk eta Gipuzkoako Foru Aldundiak obrak hasi aurretik zabaltzen zituzten ordenadore bidezko irudiek. Egunotan, ordea, labeak sudurren aurrean dauzkaten Usurbilgo herritarrek begi hutsez eta kaletik bertatik ikusi ahal izan dituzte bi tutu erraustegiaren sabaian: horra tximiniak.


2019-02-26 | Zero Zabor
Errausketaren Aurkako Mugimenduak protestak iragarri ditu klimaren inguruko Change the Change biltzarrerako

Errausketaren Aurkako Mugimenduak mobilizazioak iragarri ditu martxoaren 5 eta 6rako Donostian, Klimaren Aldaketa dela eta bertan antolatu den Change the Change biltzarraren atarian. Biltzarrean parte hartuko duten aditu eta beste konbidatuei honela esan die EAMek: "Ongi etorriak mundu osotik Change The Change biltzarrera zatoztenoi. Ez utzi EAE, Gipuzkoa eta Donostiako agintariek ‘green-washing’ merkea egiten, eskatu benetako konpromisoa herritarren eta Lurra planetaren... [+]


2019-02-22 | Zero Zabor
Gloucesterreko polizia ikertzen hasi da erraustegiaren kontratu ezkutua, agintariak galdekatuz

Polizia britainiarra ikertzen ari da ea Gloucester eskualdeko (Gloucestershire) gobernuak, zehazki lehendakariak, oposizioko hautetsiekin negoziatu eta hitzartu zuen Javelin Park erraustegiaren benetako kosteak ezkutuan atxikitzea. Urbaser multinazionalak –Gipuzkoan Zubietako erraustegiaren 35 urterako kontzesioa duenak– lotutako kontratua agintariek aitortua baino %30 garestiago aterako zaie herritarrei, berrikitan jakin zenez.


2019-02-21 | Zero Zabor
Zubietako '0 eremuan' dagoen Landaberri ikastolak ere GuraSOSen manifestaziora joateko deia egin du

Zubietan eraikitzen ari diren erraustegi berritik 500 metrotara dagoen Landaberri ikastolako guraso, ikasle eta irakasleek bat egin dute larunbat arratsalderako –otsailak 23– GuraSOSek antolatu duten manifestazioarekin, ikastolako atarian egindako argazi masibo bat zabalduz.


2019-02-18 | Zero Zabor
GuraSOSek azaldu ditu Zubietan dioxinak jarraian kontrolatuko ez direla erakusten duten agiri ezkutuak

Zubietako erraustegiak ez ditu jarraian kontrolatuko bere tximiniak airera isuriko dituen kutsagai arriskutsuenak, bidenabar dioxinak eta furanoak. GuraSOSek prentsaurrean erakutsi ditu horren frogatzat erraustegiaren jabea den GHK eta datozen 35 urteetan kudeatuko duen Ekondakin Energia y Medio Ambiente enpresa taldeak sinatutako kontratua eta Eusko Jaurlaritzaren aurrean urtero bete beharko duten Ingurumena Zaintzeko Plana delakoa.


2019-02-14 | Zero Zabor
Erraustegiek 2020etik aurrera ez dute Europako kohesio funtsetik laguntzarik jasoko

Europako Legebiltzarrean Eskualdeen Garapenerako batzordeak bozkatu du moztea Europar Batasunaren diru-laguntzak hondakinentzako zabortegi eta erraustegiei 2020tik aurrera. Parlamentariek argudiatu dutenez, honek baimenduko du diru gehiago erabili ahal izatea hondakinen prebentzio, berrerabiltze eta birziklatzeari laguntzeko, Europak 2035rako ekonomia zirkularra lortzeko ipinitako helburuak lortzeari begira.


2019-02-13 | Zero Zabor
Kanaldude telebistak Zubietako erraustegiari buruzko mahai ingurua eskainiko du zuzenean Andoaindik

Ostegunean, 14, izango da mahai-ingurua Andoaingo Urigain kultur etxean. Kanaldudek zuzenean eskainiko du 19:00etatik aurrera, baina saioa aurrez-aurre ikusi eta entzutera datozen herritarrei aurretik Ipar Haizea elkarteak pintxo-potea eskainiko die, 18:30etan.


2019-02-11 | ARGIA
Erraustegiaren enpresek iritzi publikoa kontrolatzeko antolatu duten komunikazio plana argitaratu du GuraSOSek

Zubietako erraustegia eraikitzen ari diren enpresek (Urbaser, Meridiam, Altuna y Uria, Moyua, Murias eta LKS-Mondragon) komunikazio talde bati eman diote Gipuzkoak Ingurumen Gunea eufemismoz bataiatutako erraustegi konplexuaren irudi ona gizarteratu eta sortu diren kontrako iritziei gaina hartzeko ardura. GuraSOS elkarteak eskuratu du oposizioko taldeen aurkako diskurtso bat egituratzen ari den kabinetearen agiri konfidentziala eta igandean Lasarte-Orian egindako ekitaldi jendetsuan erakutsi... [+]


Eguneraketa berriak daude