Erorien monumentua eraistearen aurkako pintaketa faxistak egin dituzte Iruñeko Alde Zaharrean
Joseba Asiron alkatearen aurkako irainak margotu dituzte EH Bilduren egoitza batean.
Gaur goizaldean, Erorien Monumentua eraistearen aurkako pintaketa faxistak egin dituzte Iruñeko Alde Zaharrean. Zehazki, San Frantzisko plazako kioskoan, haren parean dagoen lokalean eta Aduanaren txokoko EH Bilduren egoitzan.
San Frantziskon, “Caidos no se toca” (Erorien monumentua ez uki) leloa idatzi dute hormetan, bi lelo frankistarekin batera: “Arriba España” (Gora Espainia) eta Elkarte Tradizionalista Karlistak erabili ohi zuen “Viva Cristo rey” (Gora Kristo errege). Espainiako Falangearen uztaia eta geziak ere margotu dituzte.
Aduanaren txokoko EH Bilduren egoitzan ere Erorien Monumentuaren eraispenaren aurkako lelo bat margotu dute, gurutze svastika batekin batera. Alboan, Iruñeko alkatearen aurkako irain bat idatzi dute, “Asiron narizon” (Asiron sudur handi), eta Daviden izarra margotu diote ondoan.
Memoria eta Bizikidetzako, Kanpo Ekintza eta Euskarako Batzordeak atzera bota du UPNk aurkeztutako mozioa, 1936ko Gerran Errepublikaren kontrolpean zeuden lurraldeetan izandako biktimak Oroibidea memoriaren datu-basean sartzea eskatzen zuena. Mozioak PP eta Voxen babesa jaso du,... [+]
Jose Miguel Etxeberria Naparra-ren gorpua aurkitu gabe bukatu da Frantziako Landetan egindako bigarren indusketa. 44 urte dira militantea desagertu zenetik eta bere familiaren belaunaldi batetik bestera pasa da bere bilaketaren zama.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.