Eritreako gazte batek bere buruaz beste egin du Irunen
Eritrear jatorriko gazte baten gorpua aurkitu dute Bidasoa ibaiaren bazterrean. Ertzaintzak adierazi duenez, bere buruaz beste egin zuen eta Irungo Harrera Sarea gaztearen inguruko informazio gehiago lortzen saiatzen ari da.
Eritreako gazte baten gorpua aurkitu zuten apirilaren 18an Irungo Azken Portu auzoan. Irungo Harrera Sareak jakitera eman duenez, urkatuta agertu zen Bidasoa ibaiaren bazterrean. Ertzaintzaren ikerketaren arabera, bere buruaz beste egin zuen, ez baitute bortizkeria zantzurik topatu.
Irungo Harrera Sareak gaztearen inguruko informazio gehiago lortzen saiatzen ari da, ez baitakite pasaerako migrante bat ote zen, Irunen bizi ote zen edo paperak ote zituen… “Ez dugu nahi identifikatu gabeko gorputz bat izatea, Europako hilobi anonimo batean amaituko duena, bere familiak ezer jakin gabe”, adierazi dute ohar baten bidez. Oraingoz, gaztearen jatorria besterik ez dute ziurtatu.
Pasaerako migrante bat izango balitz, Irun eta Hendaia artean hiltzen den lehen etorkina litzateke. Migranteen ohiko pasabidea da eta kontrolez josi dute, "terrorismoaren aurkako borrokaren" aitzakian eta orain pandemiagatik.
Muga zeharkatzeko zailtasunak direla-eta, alternatibak bilatu behar izan dituzte eta martxoan zenbait pertsona Bidasoa ibaia igerian igarotzen saiatu ziren, Frantziar Estatura sartu eta migrazio bidearekin jarraitzeko. Kazeta.eus-ek jakinarazi zuenez, martxoaren 13an Hendaiako herritar talde batek ibaia igerian pasa zuen etorkin bat lagundu zuen eta Harrera Sareak gogor salatu zuen gertakaria, instituzioei konponbideak bilatzeko eskatuz.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]