Eric Zemmour eskuin muturreko polemistaren aurkako protesta egin dute Miarritzen
Liburua aurkeztera joan da eta, besteak beste, EH Baik, LABek, Les Bascosek eta IPEH Antifaxistak deituta elkarretaratzea egin dute haren homofobia, arrazakeria eta faxismoa salatzeko.
Asko dira hauteskunde kanpaina gisa definitu dutenak Eric Zemmourren liburu aurkezpenaren bira, nahiz eta ez duen ofizialki hautagaitzarik aurkeztu. Frantzian hainbat ekitaldi egin ostean, asteartean Miarritzera heldu zen; antolatzaileen esanetan 1.500 lagun joan ziren Irati aretora, haren lanari buruzko hitzaldia entzutera. Adin-tarte guztietako jendea zen.
Eraikinaren kanpoaldean aldarrikapenez betetako pankartekin elkartu ziren 300 bat pertsona haren etorreraren aurka, besteak beste, EH Baik, LAB sindikatuak, Les Bascosek eta IPEH Antifaxistak deituta. Eskuin muturreko polemista Euskal Herrian “ez dela ongi etorria” azpimarratu dute protestariek, eta faxismoaren aurkako aldarriak egin dituzte. Poliziak dispositibo zabala ezarri du eraikinaren inguruan, eta manifestarien aurrean egon da uneoro. Zemmour entzutera hurbildutakoei bidea irekitzen aritu dira agenteak, eta eskuin muturreko hizlaria atzeko atetik sartu da.
Faxismoaren aurkako oihuak. "Zemmour raciste, sexiste, homophobe.." leloak baitaere. pic.twitter.com/yrxkmEoevk
— Maite Ubiria (@Maite_Ubiria) October 26, 2021
Hautagai posiblea
Eric Zemmour gorroto delituagatik zigortu du dagoeneko Frantziako justiziak, 2019an islamaren eta migrazioaren aurka egindako elkarretaratze baten harira. Halaber, telebistako agerraldiak mugatu dizkio CSA ikus-entzunezko kontseiluak. Adierazpen arrazistak, homofoboak eta erreakzionarioak egin ditu jendaurrean behin eta berriz. Zemmourrengan begirada jarrita dago Frantziako jendartea, uste baita datorren urteko hauteskundeetarako hautagai izango dela. Oraindik ez du hautagaitza aurkeztu, alderdirik ere ez du, baina jada asko dira eskuin muturreko polemista babesten duten herritarrak.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.
Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.