Erandioko Indumetaleko hamar arduradun auzipetu dituzte, ustezko ingurumen-delituengatik

  • Sepronak epailearen esku utzi ditu Erandioko hondakin-enpresa baten hamar arduradun. Hondakin arriskutsuak modu irregularrean manipulatzea leporatu diete, ingurumena eta pertsonak arriskuan ipintzen zituztelakoan. Agentzien arabera, Indumental Recycling da sozietatea.

Hiruka .eus
2018ko martxoaren 05a
Indumetal enpresan hondakin elektroniko eta arriskutsuak birziklatzen dituzte. (Argazkia: Indumetal)

Guardia Zibilaren natura babesteko zerbitzuak "Hondakina" operazioa gauzatu zuen joan den zapatuan, Europol Europako poliziagaz batera. Izan ere, Erandioko enpresak Espainiako Estatuko txatarra elektronikoaz gainera, Alemaniako, Frantziako, Portugalgo eta Italiako kamioiak ere jasotzen zituen. Ikerketen arabera, mailuka desegiten zituzten tripetan sustantzia arriskutsuak zituzten gailuak: ordenagailuak, telebistak, garbigailuak, jolas-makinak, etxetresna elektriko txikiak, eta abar. Horiek, legearen arabera, oso bestelako tratamendua jaso behar dute. Hala, ibaia kutsatzea eta langileak eta inguruko bizilagunak arriskuan ipintzea leporatu diete enpresako arduradunei.

Indumetal Recycling Asua auzoan dago; "txatarra elektronikoa birziklatzen liderra" da enpresa, bere webgunearen arabera. 1984 urtean sortu zen sozietatea, RAEE edo Aparailu Elektriko eta Elektronikoen Hondakinen kudeaketan jarduteko.

Isurketa arriskutsuak

2015ean hasi ziren ikerketak Segoviako Guardia Zibilak eta Espainiako Nekazaritza eta Ingurumen Ministerioak, Aparailu Elektriko eta Elektronikoen Hondakinen (RAEE) kudeaketa irregularra izan zitekeela susmatuta, "buruhandi" delakoen kasuan, batez ere, pantaila planoa ez duten telebista eta ordenagailuen kasuan, alegia.

Guardia Zibilaren kalkuluen arabera, Indumental Recyclingek urtean 2.000 hondakin-tona kudeatzen zituen, legeak horretarako aurreikusitako neurriak bete barik. Ikertzaileen arabera, enpresak bazituen zuzen birziklatzeko baliabideak eta baimenak, eta horregatik kobratu egiten zuen, baina gero, gai kutsatzaileak sailkatu eta bideratu beharrean, txikitu edo birrindu egiten omen zituen aparailuak kolpeka.

Hala, materiala iristen zen unean bertatik, tratamendua ez ei zen zuzena. Sepronaren arabera, gailuak kamioietatik ateratzeko, "irauli" egiten zuten material dena. Hortaz, erortzean apurtu egiten zen aparailu asko eta beraz, iturri berberen ustean, sustantzia arriskutsuak isurtzen ziren lehenengo momentutik.

Gainera, materialaren gehiengoa, sustantzia denak kendu gabe, plantako atarian bertan txikitzen omen zuten makina bategaz, inolako segurtasun neurririk hartu gabe. Ustezko manipulazio oker hori dela eta, ikertzaileek uste dute enpresak inguruko ibaira edo estolderietara bota ahal izan dituela lixibiatu eta txikitzetik sortutako hondakinak; hortaz, ingurua kutsatuta legoke.

Gainera, Sepronak arriskuan ikusi ditu plantako langileak ere, segurtasun-neurri barik ibili direlako gai kutsakor horiek manipulatzen. Izan ere, beruna, kadmioa, kobrea, zinka, fosforoa, beste metal astunak eta elektrolitoak zabaldu ziren aparatu horien garraioan, deskargan, klasifikazioan, desmuntaian, eta tratamenduan, hots, kudeaketa-fase denetan, antza oker jokatzearen ondorioz.

Ikerketaren arabera, gainera, material horregaz enpresak birritan lortzen omen zuen etekina: batetik, deskontaminazioa egiteagatik kobratzen baitzuen, eta ez zuen egiten. Eta bestetik, txikitzetik ateratzen zen materiala fundizioei saltzen zien. Metalaz gainera, beira eta plastiko asko ateratzen zen enpresak egindako prozesutik. Horiek, Sepronaren arabera, hirugarren enpresetara bidaltzen zituzten, aurretik kutsadura kentzeko inolako neurririk hartu barik, Guardia Zibilaren ustean. Hala, gai horiek arriskutsuak izan litezke ingurumenerako eta jendearen osasunerako. Kontran, ikertzaileek uste dute enpresak oso hondakin kutsatzaile gutxi bideratzen zituela baimendutako kudeatzailetara: "RAEE mota batzuetan deklaratutako hondakin kutsagarrietako kopuruak berreskuratu behar ziren portzentaiak baino askoz txikiagoak ziren".

Guardia Zibilak "desartikulatutzat" jo du "sarea".

Eusko Jaurlaritzak 2017ko abenduan berritua zion Ingurumen Baimena Indumeal enpresari hondakin elektronikoak kudeatzeko. (Argazkia: Indumetal)

Informazio hau Hirukak argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hondakinen kudeaketa

Hondakinen kudeaketa kanaletik interesatuko zaizu...
2018-09-23 | ARGIA
Zubietako erraustegiraino iritsi da protesta eta Ertzaintzak kolpeka erantzun du

Gipuzkoa Zutikek deituta eta hainbat erakunderen babesarekin, igande arratsaldean zientoka herritar hurbildu dira Zubietako erraustegia eraikitzen ari diren '0 gune' delakoraino, errausketaren kontrako protesta eraman nahian. Ertzaintzak eragotzi die bertaratzea, hurbiltzeko bide guztiak itxita. Iazko martxan baino ertzain gehiago bidali dituzte Gipuzkoako agintariek eta airetik helikpteroak gertutik jarraitu ditu protestalarien mugimendu guztiak. Beren protesta erraustegi atariraino... [+]


2018-09-21 | ARGIA
Incineration plant in Biscay has buried 600,000 tons of waste material without any control measures

Zero Zabor Bizkaian (Zero Waste in Biscay) platform has reported that since 2005 Zabalgarbi incineration plant located In Bilbao, has dumped 600,000 tons of waste material –polluting substances that are left after burning residue materials–  at various sites in Biscay without taking proper control measures.


2018-09-21 | Zero Zabor
Zallako udalak kontuak eskatu dizkie Zabalgarbiri, Aldundiari eta Jaurlaritzari erraustegiaren eskoriengatik

Zallako udalak azalpenak eskatu dizkie Eusko Jaurlaritzari, Bizkaiko Foru Aldundiari eta Zabalgarbi erraustegiari berari, bertako zabortegian Zabalgarbik botatzen dituen eskorien arazoa zertan datzan jakiteko. Udalak jakitera eman duenez, zabortegiaren egoera 2014an bertan salatuta dago eta orain udalak, Zero Zabor Bizkaian eta Ekologistak Martxanek jakinarazi dietenean arau urraketa bat izan daitekeenaren berri, berriro eskatu dizkie azalpenak bi erakundeei eta enpresari.


2018-09-20 | Zero Zabor
Erraustegien aurkako protestak Bilbon atzo, Lasarte-Orian gaur eta asteburuan Zubietan

ZZB Zero Zabor Bizkaian elkarguneak deituta, hainbat militante bildu ziren asteazkenean, 19, Bilboko Guggenheim museoaren atarian hondakinak errausten dituen industriari bere protesta azaltzeko. CEWEP Europako errauste planten patronala biltzarra egiten ari da Bilbon Zabalgarbi erraustegiak antolatuta.


Langile bat hil eta hainbat zauritu dira Belgikako erraustegi batean izandako leherketan

Pertsona bat hil eta lau zauritu dira gutxienez Indaver konpainiako erraustegi batean, Anberestik gertu dagoen Stabroek hirian joan den ostegunean leherketa izan ostean. VRT hedabidean jaso dute albistea eta diotenez, ez dago argi zerk eragin zuen leherketa. Bigarren aldia da bi urtetan istripua gertatzen dela erraustegi honetan.


2018-09-10 | Zero Zabor
AEBetan bi erraustegi itxi dituzte, Kalifornian eta Floridan

Ekainean CREF erraustegia itxi dute Kaliforniako Los Angelesen eta urte bukaerarako Floridako Auburndalekoa itxiko dute, bertako hedabideek zabaldu dutenez. Biak ere bideragarritasun ekonomiko ezak eraman ditu horretara.


2018-09-05 | Zero Zabor
Zaragozako erdigunean Atez Atekoa abian jarriko dute azaroan

Derrigorrezkoa izango da eta herritarrek nork bere atarian utziko ditu kubo pertsonalizatuak. Astean lautan organikoa atera ahal izango da eta gainerako hiruetan besteak.


2018-09-04 | Txintxarri
Erraustegiaren aurkako giza katea antolatu dute igandean

Kirola eta aldarrikapena uztartuko dituzte igandean Donostian. Kontxako Bandera jokatuko dute, baina zertxobait lehenago, 11.30ean, erraustegiaren aurkako giza katea osatzeko deia egin dute. Erraustegiaren Aurkako Mugimenduak, Errausketaren Aurkako Herri Plataformen Koordinakundeak eta Donostia Bizirik herri plataformak antolatu dute protesta ekintza; hainbat sindikatuk, alderdi politikok eta talde ekologistek bat egin dute. Kontxako lehen arrapaladan jarri dute hitzordua.


Azkenak
EGILEA
Eguneraketa berriak daude