Erabilera bakarreko plastikozko produktuak debekatuko ditu Bruselak

  • Plastikozko platerak, edalontziak, mahai-tresnak, kotoi-zotzak, lastotxoak, eta bestelako erabilera bakarreko produktuak debekatuko ditu 2025etik aurrera Europar Batzordeak astelehenean onartutako zuzentarauak.

Maddi Txintxurreta @mtxintxurreta
2018ko maiatzaren 29a
Plastikoak itsasoko zaborraren %85 osatzen du

Bruselatik esan dutenez, neurri berriak erdira murriztuko du egun itsasoa gehien kutsatzen duten plastikozko hamar produktuen erabilera. Produktu hauek guztiak erabilera bakarrekoak dira, eta aurrerantzean material jasangarriekin ekoiztu beharko dira.

Zuzentaraua praktikan jartzeak 22.000 milioi euroko kostua izango du 2030ean. Neurriak CO2ren isuria ere murriztuko duela kalkulatu dute, 3,4 milioi tonatan.

Plastikoak itsasoko zaborraren %85 osatzen du, Europar Batzordearen datuen arabera. Gainera, era horretako zabor kopurua hazten ari da, poluzioa eragiteaz gain itsasoko fauna kutsatuz.

Bruselak esan du plastikoaren debekuak eragin ekonomiko “oso onuragarria” izango duela Europan: “30.000 enplegu baino gehiago sor daitezke”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kutsadura  |  Europako Batzordea

Kutsadura kanaletik interesatuko zaizu...
Eguneraketa berriak daude