Enpresa industrialei ateak irekita mantentzeko aukera eskaini die Espainiako Gobernuak

  • Funtsezkoa ez den aktibitate ekonomikoa gelditzeko Errege Dekretuari "salbuespen" batzuk dituela esan du Sánchezen Gobernuak asteartean azken orduan: jarduera hori hornitzen duten enpresek ere irekita jarraitu ahal izango dute gutxieneko batekin.


2020ko apirilaren 01an - 07:18
Metalurgiako lantegiak irekita mantendu daitezkeela ziurtatu du Eusko Jaurlaritzak (ar.: Olaberriko ArcelorMittal)

Eusko Jaurlaritzak azken zehaztapen horri heldu dio enpresen ateak guztiz ez ixteko eskariari erantzuten diola esateko. Ekonomia Garapen sailburu Arantxa Tapiak gutuna bidali die astearte arratsaldean enpresa batzuen ordezkariei eta EAEn Espainiako Gobernuko delegatuari, gutxieneko jarduera ez dezatela eten eskatuz.

Espainiako Gobernuko Ekonomia ministro Nadia Calviñok, Errege Dekretuaren beste "interpretazio" bat egin du azken orduan, eta funtsezkoak diren ekonomia jardueren katea hornitzen duten enpresek euren aktibitatearekin jarraitu ahal izango dutela ziurtatu du: "Manufaktura-industria funtsezkotzat jotzen da bere jarduera beharrezkoa den heinean, eta funtsezko sektoreak garatzeko beharrezkoak diren ondasun eta materialez hornitzera bideratuta dago". Horrez gain, esportazioari emanak direnak ere irekita jarraitu ahal izango dute, "nazioarteko kontratuen konpromisoak" bete ahal izateko, interpretazio horren arabera.

Jarduera hori, baina, gutxienekoa izango da, igande eta jai egunetan egin ohi den erritmora eta txandak egokituz mugikortasuna ahalik eta gehien gutxitzeko.

Eusko Jaurlaritzaren arabera, horrek bide ematen die enpresa handi ugariri aktibitatearekin jarraitzeko, besteak beste, industria elektro-intentsiboaren sektorean metalurgia sartzen baita, Euskal Herrian pisu handikoa.


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude